АБНА24 Хәбәр Верир, Ахар.аз јазыр: Ибраһим Рәисинин андичмә мәрасиминдә иштирак етмәк үчүн 73 өлкәдән 115 рәсми шәхс ҝәлмишди. Онлардан 10-у дөвләт башчысы, 20-си парламент сәдри, 11-и хариҹи ишләр назири иди.
Ибраһим Рәисинин онларын әксәријјәти илә ҝөрүшү олду.
Мәсәлән: Гырғызыстан Милли Мәҹлисинин сәдри Талант Мамытов, Беларус парламентинин сәдри Владимир Андриченко, Ниҝер парламентинин ашағы палатасынын сәдри Сини Амаро, Өзбәкистан парламентинин ашағы палатасынын сәдри Нурдинҹан Исмајылов, Таҹикистан парламентинин ашағы палатасынын сәдри Маһмадтаир Закирзадә, Русија Думасынын сәдри Вјачеслав Володин вә с. спикерләрлә ҝөрүшмүшдү Ибраһим Рәиси.
Бу ҝөрүшләрдән фотолар ҝөстәрир ки, Иран бајрағындан башга о ҝөрүшләрдә һеч бир бајраг јохдур.
Рәисинин Гәтәр баш назиринин мүавини вә хариҹи ишләр назири Шејх Мәһәммәд бин Абдуррәһман әс-Сани илә ҝөрүшүндә дә Иран бајрағындан башга бајраг јохдур.
Рәисинин Америка Боливарчыларынын баш катиби илә ҝөрүшүндә дә диҝәр бајраг јохдур.
Рәисинин јалныз Ираг лидери Бәрһам Салеһи, Әфганыстан рәһбәри Әшрәф Гәни, Ермәнистан баш назири Никол Пашинјан вә с. кими өлкәсинин биринҹи шәхси сајыланларла ҝөрүшүндә диҝәр өлкәнин дә бајрағы асылмышды.
Ахар.аз јазыр: Азәрбајҹан бајрағы олмадығы үчүн Иранын Азәрбајҹана сајғысызлыг етдијини дүшүнәнләр онда Русија Дөвләт Думасынын рәһбәри Володинин Рәиси илә ҝөрүшүндә Русија бајрағынын олмадығына да диггәт чәкмәлидирләр. Беләликлә, Ибраһим Рәисинин Саһибә Гафарова илә ҝөрүшүндә Азәрбајҹан бајрағынын асылмамасы доғрудан да Иранын протокол гајдасыдыр.
Ахар.аз хатырладыр ки, Рәиси Ермәнистан баш назири илә ҝөрүшдә бирҹә дәфә дә олсун Гарабағын адыны чәкмәди, сијаси бәјанат вермәди, јалныз игтисади лајиһәләр мүзакирә едилди.
Саһибә Гафарова илә ҝөрүшдә исә Ибраһим Рәиси сөзүнә башлајан кими Азәрбајҹаны Гарабағда гәләбә мүнасибәти илә бир даһа тәбрик етди.
Ибраһим Рәисинин президент кими анд ичдији илк ҝүндә Азәрбајҹана мүнасибәти вә месажы бизи гане едир. гашынмајан јердән ган чыхартмајын!
342/
9 avqust 2021 - 20:23
Xəbər kodu: 1168142
Ахар.аз хәбәр порталы “Рәиси Сәһибә Гафароваја һөрмәтсизлик етди? “ башлыглы јазыда бу мөвзунун ҝүндәмә ҝәтирилмәсинин әсассыз олдуғуну фотофактларла ачыглајыб.
