АБНА24 Хәбәр Верир, ГМИ сәдринә гаршы иттиһамлара ҹаваб олараг ГМИ сәдринин сәлаһијјәтли нүмајәндәси, дин хадими, илаһијјатчы алим Һаҹы Шаһин Һәсәнли бу иттиһамлары әсассыз вә јанлыш адландырыб.
Һаҹы Шаһин Һәсәнли Аллаһшүкүр Пашазадәнин үнванына сәсләндирилән фикирләрин артыг тәнгид дејил, Шејхүлислам мәгамына гаршы һәгарәт, Азәрбајҹан дөвләтчилијинә вә Ислам бирлијинә гаршы тәһдид олдуғуну дејиб.
Илаһијјатчы алим гәләбәнин Азәрбајҹан әсҝәринин шүҹаәти вә әзми вә халгын Али Баш Команданын әтрафында бирләшмәси илә әлдә олундуғуну хатырладыб вә дејиб: “ Бунунла белә, диҝәр өлкәләрин бизимлә һәмрәј олмасы, дәстәк вермәси бизим һаглы мөвгејимизин бејнәлхалг мүстәвидә тәсдиги анламына ҝәлир. Биз гоншуларымызла, хүсусилә мүсәлман өлкәләри илә, достлуг вә гардашлыг ичиндә јашамалыјыг. Бундан дөвләтимиз вә халгымыз јалныз газанаҹаг".
Дин хадими Һаҹы Шаһин Һәсәнли Һәзрәт Ајәтуллаһлүл-үзма Хаменеинин “Гарабағ ислам торпағыдыр” фитвасына гәрәзли јанашмалара да мүнасибәт билдириб: “Фәтва сијаси дејил, дини бир анлајышдыр. Азәрбајҹанын һаглы мөвгејинә дәстәк верән бир фәтва, бизим мүбаризәмизин јалныз бејнәлхалг һүгуг бахымындан дејил, дини-мәнәви бахымдан да әдаләтли олмасынын ифадәсидир.”- дејә Һаҹы Шаһин Һәсәнли билдириб.
342/
27 iyul 2021 - 17:22
Xəbər kodu: 1163942
ГМИ сәдри Шејхүл-ислам Аллаһшүкүр Пашазадәнин Тәзәпир мәсҹидиндә Гурбан бајарамы намазындан сонра етдији дуада Азәрбајҹан Республикасы мүсәлман халгы адындан Ирана тәшәккүр етмәси, ислам ингилабынын алимәгамлы рәһбәри Һәзрәт Ајәтуллаһлүл-үзма Хаменеинин “Гарабағ ислам торпағыдыр” фитвасыны Азәрбајҹанын гәләбәсинин ҹарчысы адландырмасы, мәлум мәркәз вә шәхсәри сон дәрәҹә гәзәбләндириб вә ГМИ сәдринә гаршы информасија мәканында гәрәзли һүҹумлара сәбәб олуб.
