Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, дүнја мүсәлманларынын Али Тәглид Мәрҹәси һәзрәти Ајәтуллаһ узма Нури Һәмәдани, Гүдс Гүввәләрини Командири Сәрдар Исмајыл Гаани илә бир ҝөрүшдә Иран Ислам Республикасы Силаһлы Гүввәләринин хүсусијјәтләринә тохунараг билдириб: “Иран Ислам Республикасы Силаһлы Гүввәләринин ики ваҹиб вә әсас хүсусијјәти вар; Биринҹиси, ону диҝәр өлкәләрин силаһлы гүввәләриндән фәргләндирән сәмимијјәт, Аллаһа тәвәккүл етмәк вә ҝүвәнмәк, икинҹиси дөврүн шәртләринә ујғун мадди имканлара вә гүдрәтә саһиб олмагдыр.”
Али Тәглид Мәрҹәси дејиб: “Башга өлкәләрин һәрби гүввәләринин бахышы јалныз мадди бахышдыр вә өзләрини һәр ҹүр силаһла инкишаф етмиш кими ҝөстәрмәјә чалышан бир гүдрәт вә маддиликдән башга бир шеј јохдур.”
Чыхышынын башга бир һиссәсиндә Ајәтуллаһ Нури Һәмәдани, Шәһид Һаҹ Гасим Сүлејманинин хатирәсини еһтирамла јад етди вә Ислам Пејғәмбәриндән ҹиһадын әһәмијјәтинә даир бир рәвајәтә тохунараг деди: “Ҹиһадын әһәмијјәти вә ҹиһадчыларын мүкафатына даир бир чох рәвајәт әлимизә ҝәлиб чатмышдыр.”
Ајатуллаһ Нури Һәмәдани дејибләр: “Әзиз Ислам Пејғәмбәри (сәлләллаһу әлејһи вә алиһ) бир һәдисдә бујурублар: Бүтүн јахшылыглар гылынҹда вә гылынҹын көлҝәсиндәдир. Гылынҹлар ҹәннәт вә ҹәһәннәмин ачарыдыр. Јалныз Аллаһ јолунда истифадә олунан гылынҹ инсанларын һәјатынын давамлығыны вә ујғунлуғуну тәмин едир.”
Бу Мәржа белә давам етди: Башга бир рәвајәтдә Пејғәмбәр бујурду:
"« لِلْجَنَّهِ بَابٌ یُقَالُ لَهُ بَابُ اَلْمُجَاهِدِینَ یَمْضُونَ إِلَیْهِ فَإِذَا هُوَ مَفْتُوحٌ وَ اَلْمُجَاهِدُونَ مُتَقَلِّدُونَ سُیُوفَهُمْ وَ اَلْجَمْعُ فِی اَلْمَوْقِفِ وَ اَلْمَلاَئِکَهُ تَتَرَحَّبُ بِهِمْ فَمَنْ تَرَکَ اَلْجِهَادَ أَلْبَسَهُ اَللَّهُ ذُلاًّ وَ فَقْراً فِی مَعِیشَتِهِ وَ مَحْقاً فِی دِینِهِ إِنَّ اَللَّهَ تَبَارَکَ وَ تَعَالَی أَعَزَّ أُمَّتِی بِسَنَابِکِ خَیْلِهَا وَ مَرَاکِزِ رِمَاحِهَا.
Ҹәннәтин бир гапысы вардыр, она мүҹаһидләр гапысы дејилир. Мүҹаһидләр гылынҹлары белләринә бағлы һалда үзләринә ачыг олан гапыја доғру һәрәкәт едирләр. Бу бөјүк бир мәсәләдир ки, гијамәт ҝүнү тәкҹә әмәлләрин тәҹәссүмү дејил әхлагын, нијјәтләрин дә тәҹәссүмү олаҹагдыр. Бүтүн әмәлләримиз, рәфтарларымыз вә нијјәтләримиз инсанын симасында бизим үчүн тәҹәссүм тапаҹагдыр. Вә бунунла да бизим дүнјада неҹә инсан олдуғумузу вә һансы јолун адамы олдуғумузу нүмајиш етдирәҹәкдир. Әмәлләримизин, рәфтар вә нијјәтләримизин тәҹәссүм тапмасы о гәдәр ајдын олаҹагдыр ки, гијафәләриндән мәлум олаҹагдыр ки, биз дүнјада неҹә бәндә олмушуг.
Гејд едәк ки, иҹласын әввәлиндә Сәрдар Гаани Гүдс Гүввәләринин фәалијјәтләри, бөлҝәдәки һадисәләр вә Ислам Республикасынын реҝионда вә дүнјадакы нүфузу барәдә бир һесабат тәгдим етмишди.
Диггәт: Хәбәрдән Истифадә Етдикдә Мәнбәјә Истинад Лазымдыр!
