АБНА24 Хәбәр Верир, мәлуматда дејилир ки, Иранын ХИН башчысы Мәһәммәд Ҹавад Зәриф Гафгаз реҝионунун бир сыра өлкәләринә сәфәриндә әлагә јолларындакы вә Шимал-Ҹәнуб нәглијјат дәһлизиндә манеәләрин арадан галдырылмасыны мүзакирә едиб. Зира бу, Иран үчүн Гафгаз өлкәләри вә даһа башга өлкәләрлә өз тиҹарәт мүнасибәтләрини ҝенишләндирмәјә имкан јарадыр. Еурасиа Ревиеw сајтынын мәгаләсиндә гејд олунур ки, рәсми Теһран Ермәнистан-Азәрбајҹан мүһарибәсинин битмәсиндән мәмнун галыб. Вә реҝионал әмәкдашлыға хүсуси өнәм верир. Теһран бу мәгсәдинә наил олмаг үчүн һәм реҝионда, һәм дә Москвада бөјүк дипломатик сәјләрә башламышдыр. Әслиндә Шимал-Ҹәнуб нәглијјат дәһлизинин манеәләринин арадан галхмасы илә Иран үчүн бөлҝә өлкәләри вә даһа башга өлкәләрлә өз тиҹарәт мүнасибәтләрини ҝенишләндирмәјә имкан јаранаҹагдыр. Сајт әлавә едир ки, Мәһәммәд Ҹавад Зәриф Москваја сәфәр етмәклә ҝөстәрди ки, Иран Русија илә әмәкдашлыг етмәклә бөлҝәдә игтисади әлагәләрини ҝүнишләндирмәјә үмидвардыр. Һәмчинин Иран реҝионда тәһлүкәсизлијин тәсбити үчүн дә актив сәј ҝөстәрир. Русијанын Бејнәлхалг Ишләр үзрә Шурасынын үзвү Полина Василенко бу һагда дејиб: Теһранын сәјләри бөлҝәдә тәһлүкәсизлик үзәриндә фокусланыб ки, тәкҹә ҹәнуби вә гәрби Јахын Шәргә дејил, һәм дә Гафгаз васитәсилә шимала вә Русијаја ҝениш чыхыш әлдә едә билсин. Русијанын “Коммерсант” гәзетинин журналистләри Мариана Блинкаја вә Кирилл Кривошајев да Зәрифин Москва сәфәрини шәрһ едәркән билдирибләр ки, бу сәфәрдә әсас мәгсәд Гарабағда атәшкәс разылашмасынын имзаланмасындан сонра реҝионал әмәкдашлыг лајиһәләри барәдә данышыглар апармаг олубдур. Русијанын “Валдај” бејнәлхалг мүзакирә клупунун експерти Фәрһад Мәммәдов белә инаныр ки, Иран өзүнү Бакы вә Ирәван үчүн Фарс вә Оман көрфәзләринә ачылан гапы кими таныдыр. Азәрбајҹан да бу лајиһәни алгышлајыр. Чүнки Теһран һәмишә Ҹәнуби Гафгазда әрази бүтөвлүјүнү дәстәкләмишдир. Иранын хариҹи ишләр назири М.Ҹ. Зәриф Нахчыван МР-на сәфәриндә деди: "Беш өлкәјә сәфәримин сонунда вә ахрынҹы мәрһәләдә Нахчывана ҝәлдим ки, Гарабағ мүһарибәсиндән сонра бөлҝәдә транзит вә әмәкдашлыг имканларыны арашдыраг. Аҹы нәтиҹәләр верән мүһарибәдән сонра иншаллаһ, бөлҝә өлкәләринин әмәкдашлығы илә Иран Ислам Республикасы вә бөлҝәнин диҝәр өлкәләри үчүн даһа чох әмәкдашлыг вә транзит ујғунлашмалары истигамәтиндә бирҝә әмәкдашлыға имкан јаранаҹаг вә бөлҝәдә давамлы сүлһә наил ола биләҹәјик".
342/
