АБНА24 Хәбәр Верир, АБШ президенти Ҹо Бајден февралын 6-да Сәудијјә Әрәбистанынын рәһбәрлик етдији һәрби коалисијанын алты илдир Јәмәндә апардығы мүһарибәдә вердији дәстәји дајандырдығыны елан едиб. О рәһбәрлик етдији администрасијанын хариҹи сијасәтинин приоритетләрини ачыглајаркән билдириб ки, Јәмән мүһарибәсиндә Сәудијјә Әрәбистанынын рәһбәрлик етдији һәрби коалисијаја верилән һәрби дәстәји дајандырыр. Хатырладаг ки, АБШ 2015-ҹи илдән бәри Јәмәнә һүҹум едән Сәудијјә Әрәбистанына лоҝистик вә силаһ дәстәји вериб. Јәмәнә гаршы мүһарибә минләрлә мүлки инсанын өлүмүнә вә Јәмәнин инфраструктурунун мәһвинә сәбәб олуб. Бејнәлхалг һүгуг мүдафиәчиләри бүтүн бунлара ҝөрә Јәмәндә инсан драмынын јашандығыны дејирләр. Јәмән Али Сијаси Шурасынын үзвү Мәһәммәд Әл-Һуси исә АБШ-ын Јәмәнә гаршы мүһарибәни дәстәкләмәји дајандыраҹағы иддиасына реаксија ҝөстәрәрәк, дејиб ки, Јәмәнә гаршы мүһасирәни битирмәјән һәр һансы бир һәрәкәт нәзәрә алынмајаҹаг. АБШ сөздә јох, әмәли илә хошмәрамлы олдуғуну сүбут етмәлидир. Јери ҝәлмишкән билдирәк ки, Сәудијјә Әрәбистаны вә Бирләшмиш Әрәб Әмирликләри кечмишдә БМТ-нин тәшәббүсү илә әлдә едилмиш разылашмаларын иҹрасына мане олмушлар. Ејни заманда сионист Исраил режиминин дә Јәмәндә мүһарибә вә бөһранын һәллини әнҝәлләмәк үчүн әлиндән ҝәләни етдији билдирилир. Она ҝөрә ки, фитнәкар режим Јәмән мүһарибәси вә реҝиондакы диҝәр бөһранларын узанмасыны өз хејринә ҝөрүр, Ислам Дүнјасынын бөһранлара батмасыны арзулајыр. Тәфригәчи режимин сијаси даирәләриндә һесаб едирләр ки, бу кими бөһранлар Фәләстин мәсәләсинин арха плана кечмәсинә хидмәт едир. Бу сәбәбдән һүҹумчу вә дәстәкчи тәрәфләрдән һеч бири мүһарибәнин дајандырылмасыны истәмир, Бајден тәрәфиндән елан олунан сијасәти конструктив сајмырлар. Бурада мүшаһидәчиләри дүшүндүрән мүһүм мәгам будур ки, АБШ дөвләти дә Јәмәндә төрәдилмиш фаҹиәләрә ҝөрә мәсулијјәт дашыјыр вә Ағ Ев саһибинин дәјишмәси бу мәсулијјәти азалда билмәз.
342/
