АБНА24 Хәбәр Верир, Түркијәнин Аралыг дәнизинин шәргиндә карбоһидроҝен еһтијатлары илә бағлы кәшфијјат-ахтарыш әмәлијјатлары Анкара илә бәзи Авропа өлкәләри арасында ихтилафлара сәбәб олуб. Рәҹәб Тәјјиб Әрдоған Твиттер-дә јазыб: Түркијә ихтилафларын дипломатик мүзакирәләр јолу илә һәллинә көкләнмиш хошмәрамлы тәклифләри мүсбәт гаршылајыр. Биз ихтилафларын данышыглар јолу илә вә бүтүн тәрәфләр үчүн газанҹ сајылаҹаг шәкилдә һәлл едилмәсинин тәрәфдарыјыг. Әрдоған әлавә едиб: Өлкәмизин һәр бир гарыш торпағы вә һәр бир дамҹы сујуну да елә бу бахышла мүдафиә едәҹәјик. Биз гәдим тарихи вә дәрин көкләри олан бир өлкәјик. Һеч бир зәифлик һисс етмәдән бүтүн просесләри вүгарла вә мәтанәтлә архада гојур вә тәһрикедиҹи һәрәкәтләрин тәсири алтына дүшмүрүк. Јунаныстан вә Кипр Түркијәнин Аралыг дәнизиндәки карбоһидроҝен еһтијатлары илә бағлы кәшфијјат-ахтарыш әмәлијјатларына агрессив јанашма сәрҝиләјибләр. Бу да Анкара илә бәзи Авропа өлкәләри мүнасибәтләриндә ҝәрҝинлијә сәбәб олуб.
342/
