АБНА24 Хәбәр Верир, атышма јерли вахтла базар ҝүнү сәһәр тездән Вашингтонун ҹәнубундакы бир јашајыш массивиндә баш вериб. Вашингтон полиси билдириб ки, атышма бир ҝеҹә гонаглығында аиләви ихтилафын јаранмасы вә бәзи гонагларын спиртли ички истеһлак етмәси нәтиҹәсиндә баш верибдир. Америка зоракылыг, ҝировтутма вә силаһлы һүҹумлар далғасы илә үзләшир. Һәр ил минләрлә нәфәр Американын мүхтәлиф бөлҝәләриндәки атышма нәтиҹәсиндә өлүр вә ја јараланыр. Рәсми мәлуматлара ҝөрә, Америкада тәгрибән 270-300 милјон әдәд одлу силаһ вар. Бу да һәмин өлкәдә адамбашына бир силаһын дүшмәси демәкдир. Америкада вәтәндаш һүгугларыны мүдафиә вә һимајә групларынын хаһишләринә рәғмән, силаһ лоббисинин гүдрәтинә ҝөрә, индијәдәк Америка һөкумәтләриндән һеч бири бу өлкәдә силаһ сатышынын мәһдудлашдырылмасы барәдә ганунлар тәтбиг етмәјә мүвәффәг олмајыбдыр. Америка президенти Доналд Трамп америкалы силаһ саһибләринин һимајәдарларындан биридир. Трамп өз президентлик дөврүнүн башланғыҹында америкалы силаһ саһибләринә хитабән демишди ки, америкалы силаһ саһибләринин һүгугларына гаршы 8 ил тәҹавүз битди вә инди онларын Ағ Ев-дә әсл һимајәдары вар.
342/
