АБНА24 Хәбәр Верир, мәлуматына ҝөрә буну Азәрбајҹан Республикасы Назирләр Кабинети јанында Оператив Гәрарҝаһы билдириб. Оператив Гәрарҝаһын билдирдијинә ҝөрә, превентив тәдбирләр вә вәтәндашларын мөвҹуд гајдалара әмәл етмәси нәтиҹәсиндә вируса јолуханларын сајында азалмаја наил олунмушдур. Һазыркы санитар-епидемиоложи вәзијјәтә ујғун олараг, сәрт карантин режиминин мөвҹуд олдуғу шәһәр вә рајонларда, еләҹә дә өлкә үзрә бәзи јумшалмаларын тәтбигинә гәрар верилмишдир. 2020-ҹи ил 5 август саат 06:00-дан етибарән сәртләшдирилмиш хүсуси карантин зонасына дахил олан шәһәр вә рајонларда шәхсләрин јашајыш јерини вә олдуғу јери СМС иҹазә, хидмәти вәсигә, иҹазе.е-ҝов.аз порталы васитәси илә тәрк етмәк системи ләғв олунур. Азәрбајҹан Республикасы Еколоҝија вә Тәбии Сәрвәтләр Назирлији, Фөвгәладә Һаллар Назирлији вә Бакы Шәһәр Иҹра Һакимијјәти тәрәфиндән карантин режиминин тәләбләринә ујғун мүәјјән едилән гајдалар чәрчивәсиндә өлкә үзрә чимәрликләрин истифадәсинә иҹазә верилир. ҸОВЫД-19 инфексијасына јолухма динамикасы нәзәрә алынмагла 2020-ҹи ил 31 август саат 00:00-дәк сәртләшдирилмиш хүсуси карантин режими ашағыдакы шәһәр вә рајонларда тәтбиг олунаҹаг: Бакы, Ҹәлилабад, Ҝәнҹә, Масаллы, Минҝәчевир, Сумгајыт, Јевлах шәһәрләри вә Абшерон, Бәрдә, Ҝоранбој, Ҝөјҝөл, Хачмаз, Салјан рајонлары. Сәртләшдирилмиш хүсуси карантин режиминин тәтбиг олундуғу 13 шәһәр вә рајонда ашағыдакы мәһдудијјәтләр гүввәдәдир: һәфтәсонлары гејд олунан тарихләрдә бүтүн иҹтимаи нәглијјатын һәрәкәти: 8 август саат 00:00-дан 10 август саат 06:00-дәк; 15 август саат 00:00-дан 17 август саат 06:00-дәк; 22 август саат 00:00-дан 24 август саат 06:00-дәк; 29 август саат 00:00-дан 31 август саат 06:00-дәк; нәздиндәки әрзаг мағазалары вә аптекләр истисна олмагла, ири тиҹарәт мәркәзләри вә «Малл»ларын фәалијјәти; иҹтимаи иашә објектләриндә мүштәриләрә јериндә хидмәтләр; музеј вә сәрҝи залларынын фәалијјәти; бүтүн тәһсил мүәссисәләриндә тәдрис вә тәлим-тәрбијә просесинин фәалијјәти (имтаһан, мүсабигә, мүсаһибәләр вә мүхтәлиф арајыш вә сәнәдләрин верилмәси илә бағлы вәтәндаш мүраҹиәтләринин гәбулу истисна олмагла); ачыг һавада идман јарышларынын вә ојунлары да дахил олмагла бүтүн күтләви тәдбирләр, о ҹүмләдән мәдәни-идман тәдбирләрин кечирилмәсинин дајандырылмасы; Ејни заманда Азәрбајҹан Республикасы Назирләр Кабитенинин 19 ијун 2020-ҹи ил тарихли Гәрары илә фәалијјәтинә иҹазә верилән вә гадаған едилән иш вә хидмәт саһәләринә даир гајдалар гүввәдә галыр. 2020-ҹи ил 31 август саат 00:00-дәк өлкә үзрә тәтбиг олунан хүсуси карантин режими чәрчивәсиндә ашағыдакы мәһдудијјәтләр гүввәдәдир: өлкә әразисинә јерүстү вә һава нәглијјаты јолу илә ҝириш-чыхышын дајандырылмасы; (хүсуси вә чартер рејсләри истисна олмагла) хүсуси тәјинатлы, о ҹүмләдән тәҹили тибби јардым, гәза-бәрпа, хиласедиҹи, һабелә јүк дашыјан автомобилләрин һәрәкәти истисна олмагла, сәртләшдирилмиш хүсуси карантин режиминин тәтбиг олундуғу шәһәр вә рајонлара ҝириш-чыхыш вә өлкәнин диҝәр шәһәр вә рајонларындан јерустү вә һава нәглијјаты илә сәрнишин дашымаларынын дајандырылмасы; (Нахчыван Мухтар Республикасы истисна олмагла) АСАН Хидмәт вә “ДОСТ” хидмәт мәркәзләри истисна олмагла, диҝәр дөвләт органларында вәтәндашларын јериндә груп вә фәрди гајдада гәбулунун дајандырылмасы; тәдбирләрин тәшкили үзрә хидмәтләрин, о ҹүмләдән бу саһәдә мүштәринин евиндә вә ја диҝәр мәканларда ад ҝүнләри, тој, нишан вә бу кими мәрасимләрин тәшкилинин гадаған олунмасы; ири тиҹарәт мәркәзләринин вә “Малл”арын нәздиндә олан ушаг вә диҝәр әјләнҹә мәркәзләри, кинотеатрлар, иҹтимаи иашә мәканларынын фәалијјәтинин дајандырылмасы; әјләнҹә мәканлары, о ҹүмләдән ушаг әјләнҹә мәканларынын (булвар вә паркларын әразисиндәки дахил олмагла) фәалијјәтинин дајандырылмасы; идман, сағламлыг-бәрпа үзрә хидмәтләрин дајандырылмасы (бу саһәдә тибби хидмәтләр истисна олмагла); мәдәнијјәт објектләри, еләҹә дә кинотеатрларын, театрларын, идман залларынын фәалијјәтинин дајандырылмасы; дәфн мәрасимләри истисна олмагла дини ритуал хидмәтләри, еләҹә дә мәрасим залларында, чадырларда вә диҝәр гапалы мәканларда јас мәрасимләринин тәшкили вә кечирилмәсинин гадаған олунмасы; тој мәҹлисләринин тәшкилинин гадаған олунмасы; бүтүн тәһсил мүәссисәләриндә тәдрис вә тәлим-тәрбијә просесинин фәалијјәти (имтаһан, мүсабигә, мүсаһибәләр вә мүхтәлиф арајыш вә сәнәдләрин верилмәси илә бағлы вәтәндаш мүраҹиәтләринин гәбулу истисна олмагла); иҹтимаи јерләрдә, о ҹүмләдән күчәләрдә, булварларда, паркларда вә диҝәр јерләрдә шәхсләрин 5 нәфәрдән артыг групларда ҹәмләшмәсинин гадаған олунмасы; бүтүн күтләви тәдбирләр, о ҹүмләдән мәдәни-идман тәдбирләрин кечирилмәсинин дајандырылмасы; иҹтимаи иашә објектләриндә гәлјан аваданлыгларындан истифадәнин гадаған олунмасы; тибб мүәссисәләриндә мүалиҹә алан шәхсләрин хәстә јахынлары тәрәфиндән зијарәтинин гадаған едилмәси; массаж вә һамам хидмәтләринин ҝөстәрилмәси; Вируса јолуханларын сајынын азалдылмасы, өзүнүзү вә јахынларынызы вируса јолухмадан максимум горумаг үчүн мөвҹуд превентив тәдбирләрин шәртләринә әмәл етмәјә, тибби-профилактик гајдалара риајәт етмәјә, иҹтимаи јерләрдә 5 нәфәрдән артыг групларда ҹәмләшмәмәјә, сосиал мәсафәни сахламаға, горујуҹу маскалардан истифадәјә чағырырыг.
342/
