АБНА24 Хәбәр Верир, Иранын хариҹи ишләр назири Авропа Иттифагынын Хариҹи Сиjасәт вә Тәһлүкәсизлик мәсәләләри үзрә Али нүмаjәндәси вә Иранла нүвә анлашмасынын координатору Ҹозеф Боррелә үнванладығы мәктубда бир даһа Авропа өлкәләринин Әһатәли Мүштәрәк Тәшәббүс Програмы илә әлагәдар илгарсызлыглары илә бағлы бу анлашманын 36-ҹи маддәсинә әсасән, ихтилафларын һәлли үзрә бирҝә комиссиjаjа мүраҹиәт едиб. Иран ХИН мәтбуат катиби Сеjид Аббас Мусәви ҹүмә ҝүнү үч Авропа өлкәси jәни Алманиjа, Британиjа вә Франсанын Атом Енержиси үзрә Беjнәлхалг Аҝентлиjин Директорлар Шурасына гәтнамә лаjиһәсини тәгдим етмәклә мәсулиjjәтсиз һәрәкәтләринә вә һәмчинин Иранла нүвә анлашмасы илә бағлы өһдәликләринә сәдагәтсизликдә давам етмәләринә тохунараг вурғулаjыб: "Иранын хариҹи ишләр назири Мәһәммәд Ҹавад Зәриф иjулун 2-дә Авропа Иттифагынын Хариҹи Сиjасәт вә Тәһлүкәсизлик мәсәләләри үзрә Али нүмаjәндәси вә Иранла нүвә анлашмасынын координатору Ҹозеф Боррелә бир мәктуб үнванлаjыб вә Иранла Аҝентлик арасындакы әмәкдашлыглара истәнилән мүдахиләнин мәнфи тәсирләринин олаҹағыны вә бу медахиләләрин сөзү ҝедән анлашманын мүддәаларына зидд олдуғуну билдириб. Мусәви, һәмчинин Иранын нүвә анлашмасында нәзәрдә тутулдуғу кими, санксиjаларын арадан галдырылмасы фонунда бу анлашманын игтисади мәзиjjәтләриндән фаjдаланмағынын зәрурилиjини хатырладараг, рәсми Теһранын һәр һансы мәсулиjjәтсиз давранышлар вә артыгтамаһлыглар гаршысында лазыми вә мүтәнасиб тәдбирләр ҝөрәҹәjини вурғулаjыб. Иранын ХИН мәтбуат катиби үч Авропа өлкәсини АБШ-ын максимум тәзjиг сиjасәтилә аjаглашмаг әвәзинә, өһдәликләринә садиг галмагла, Әһатәли Мүштәрәк Тәшәббүс Програмынын горунмасы вә иҹрасы үчүн мүнасиб зәмин jаратмаға чағырыб. Бундан әввәлдә, Иран Ислам Республикасы ики мәрһәләдә АБШ вә Авропа өлкәләринин Иранла нүвә анлашмасынын мүддәаларыны поздуглары илә бағлы ихтилафларын һәлли үзрә бирҝә комиссиjаjа мүраҹиәт едиб вә мөвҹуд ихтилафларын һәлл едилмәмәси фонунда Иран өз өһдәликләрини азалтмаг гәрарына ҝәлиб.
342/
