Ермәни аҝентликләри хәбәр верир ки, бу барәдә “Лаист” порталы мәлумат јајыб. Сәнәддә гәрарын “Лос-Анҹелесдән минләрлә километр узаглыгда ермәниләр үчүн дөјүшән бөлҝәнин шәрәфинә” верилдији вурғуланыб.
Шәһәр шурасынын ермәни сәдри Пол Крекорјанын сөзләринә ҝөрә, Азәрбајҹанын Лос-Анҹелесдәки консуллуғу бурада јерләшдији үчүн мәһз бу кәсишмә сечилиб.
Сабиг малијјә назири, Фикрәт Јусифов “Јени Мүсават”а билдириб ки, бундан өнҹә дә АБШ-да бәзи күчәләрә “артсах” адынын верилмәси һаллары олуб:
“Шәхсән өзүм бунун шаһиди олмушам. Кечән ил АБШ-да сәфәрдә оларкән Калифорнија штатындакы орта шәһәрләрин бириндә күчәләрдән биринә ”арсах" ады верилдијини шәхсән ҝөрдүм”,- Фикрәт Јусифов дејиб .
Ф.Јусифов һесаб едир ки, бејнәлхалг һүгугун белә мәсәләләрлә бағлы тәләбләри арашдырылмалы вә бунунла бағлы Азәрбајҹан һөкумәти Америка Бирләшмиш Штатлары һөкумәтинә аидијјәти етираз үнванламалыдыр.
342/