АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәсән Руһани бу ҝүн ахшам өзүнүн 13-ҹү мәтбуат конфрансында дейиб: Бу ҝүн гәтиййәтлә дейә биләрик ки, Америка, дүнйа империализми, сионизм вә бөлҝә мүртәҹеләринин гурулуша ҹидди зәрәр вурмаг үзрә фитнәләри баша чатыбдыр.
Президент әлавә едиб: Сийаси вә бейнәлхалг ҹәһәтдән Иран Ислам Республикасы даһа ҝүҹлү вә даһа мөһкәм шәраитә маликдир.
Руһани вурғулайыб: Һеч вахт гоншуларымызла пис мүнасибәтә малик олмаг истәмәмишик вә һәмишә йахшы мүнасибәтләр ардынҹа олмушуг. О, билдириб ки, реҝион мәсәләләри бөлҝә өлкәләринин өзләри тәрәфиндән һәлл олунмалыдыр.
Өлкә президенти сөйләйиб: Бизим үчүн Америка президентинин һансы шәхсин олмасынын фәрги йохдур. Бизим елан етдийимиз чәрчивәдә санксийаларын ҝөтүрүләҹәйи вә әсл бир 5+1 мүзакирәси үчүн шәраитин йарадылаҹағы заман биз һәмин иҹласа гатылмаға һазырыг.
Президент Түркийәнин Сурийайа һүҹумунун Астана сүлһ просесинә тәсири барәдәки суалын ҹавабында дейиб: Түркийә Сурийанын шималы барәдә ниҝаранчылыглара маликдир. Ниҝаранчылыг принсипини гәбул едирик. Түркийә бизимлә дост дөвләтдир, амма сечдикләри үсулу гәбул етмирик. Һамымыз Сурийа ордусунун өз өлкәсинин шималында йерләшмәсинә көмәк етмәлийик.
Өлкә президенти Иран танкеринә вә ҝәмичилийә гаршы тәҹавүз һагда исә белә дейиб: Мүтләг шәкилдә террор һәрәкәти олубдур. Мүтләг шәкилдә бир һөкумәт бу иши ҝөрүбдүр. Биз арашдырма апармагдайыг. Бу иши ҝөрмүш өлкә онун нәтиҹәләрини ҝөзләмәлидир.
.........
340
