АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әли Лариҹани Әлҹәзирә телеканалы илә ексклүзив мүсаһибәдә дейиб: Иранын гапылары әрәбистанла данышыглар үчүн һәмишә ачыгдыр вә биз ики өлкә арасындакы мәсәләләрин һәлли үчүн бир йол тапмалыйыг.
Лариҹани вурғулайыб: Биз, Иранла данышыглар апармаг истәдийини билдирән әрәбистан вәлиәһди Муһәммәд бин Салманын сөзләрини алгышлайырыг.
Иран Ислам Шурасы Мәҹлисинин сәдри вурғулайыб: Әҝәр сәудлар Америкайа архаланмаг йеринә, диалога диггәт йетирәрләрсә, һәлл йолуна чата биләрләр.
Әли Лариҹани әлавә едиб: Әрәбистан вәлиәһди данышдығы сийаси һәлл йолуну ачыгламалыдыр. О, һәмчинин белә гейд едиб: Бүтүн бөлҝә өлкәләри әминдирләр ки, һәрби сечим бир проблеми һәлл етмәйәҹәк вә савашын ҝенишләнмәсинә сәбәб олаҹагдыр.
Лариҹани дейиб ки, Иран даим ислами өлкәләрлә сийаси вә игтисади мүнасибәтләрин йарадылмасына инаныр. О, әлавә едиб: Иран бүтүн ислами өлкәләрлә һәмкарлығы алгышлайыр.
Лариҹани дейиб: Биз данышыглар үчүн шәртләр тәйин етмәк ниййәтиндә дейилик вә биз бөлҝә проблемләринин һәлли үчүн истәнилән диалогла мүвафигик.
Лариҹани әлавә едиб: Бизим реҝион өлкәләринин тәһлүкәсизликләринин тәмин едилмәси үчүн планымыз вар вә ону изләйирик. Јәмән халгы Иранла һәмкарлыг сечимини сечиб. Јәмәнин Әнсаруллаһ гүввәләри өз өлкәләрини мүдафиә етмәк һаггына маликдирләр.
Иран Ислам Шурасы Мәҹлисинин сәдри вурғулайыб: Әҝәр әрәбистан атәшкәсә инанырса, биз дә тәрәфләри она садиг галмаға чағырырыг.
Лариҹани белә гейд едиб: Јәмәнлиләр даима савашларда Иранын дәстәйи олмадан галиб ҝәлибләр. Зира онлар өз вәтәнләрини мүдафиә едирләр.
Лариҹани әлавә едиб: Биз бөлҝә өлкәләри үчүн шәртләр гоймамышыг вә бизим Оман, Гәтәр вә Күвейтлә әлагәләримиз йахшыдыр.
.........
340
