АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Репорт.аз-ын вердийи мәлумата ҝөрә бәйанатда билдирилиб ки, йерли азәрбайҹанлы әһалинин ганлы етник тәмизләмәсини һәйата кечирән вә мүнагишәнин һәлли чәрчивәсиндә мәҹбури көчкүнләрин әзәли йашайыш йерләринә гайытмаларынын гаршысыны алмаг үчүн әлиндән ҝәләни едән Ермәнистан тәрәфиндән Азәрбайҹанын ишғал олунмуш әразиләринә бу ганунсуз сәфәрин һәйата кечирилмәси Франса Парламенти үзвләринин рәһбәр тутмалы олдуглары "азадлыг, бәрабәрлик, гардашлыг" йүксәк идеаллара вә фундаментал инсан һүгугларына тамамилә зиддир.
"Бу аддым гәрәзли, Франсанын ермәни лоббисинин тәсири алтында олан вә әввәлки ганунсуз сәфәрләри сәбәбиндән ады артыг Азәрбайҹана ҝириши арзуолунмаз шәхсләр сийаһысында йер алан Ҝи Тесйе (Ҝуй Теиссиер) кими депутатлар тәрәфиндән атылыб. Она гошулан ганунсуз сәфәрин диҝәр иштиракчыларынын - милләт вәкилләри Валери Буайе (Валéрие Бойер), Жан-Пйер Ҹүбертафон (Жеан-Пиерре Ҹубертафон), Мәһәммәд Лагһила (Моһамад Лагһила), Даниел Казарйан (Даниèле Ҹазариан), Ҝийом Каспарйан (Ҝуиллауме Ҹасбариан) вә сенатор Пйер Узулиасын (Пиерре Оузоулиас) да адлары мүвафиг олараг һәмин сийаһыйа салынаҹаг. Бунунла әлагәдар Франсанын Азәрбайҹандакы мүвәггәти ишләр вәкили Азәрбайҹан Хариҹи Ишләр Назирлийинә чағырылыб вә она Франса тәрәфинә үнванланан етираз нотасы тәгдим едилиб.
Сәнәддә бу ҹүр ганунсуз сәфәрләрин һәйата кечирилмәсинин АТӘТ-ин Минск Групу һәмсәдрләринин, о ҹүмләдән Франсанын Ермәнистан-Азәрбайҹан Дағлыг Гарабағ мүнагишәсинин данышыглар йолу илә һәлл олунмасы мәгсәдини ҝүдән сәйләрини ҹидди шәкилдә сарсытдығына, ейни заманда бу просесдә васитәчи гисминдә Франсанын нүфузуна хәләл ҝәтирдийинә хүсуси диггәт чәкилир", - бәйанатда вурғуланыб.
Сәнәддә Франса һөкумәти бир даһа бу өлкәнин парламентариләринин Азәрбайҹан әразиләринин ишғалы нәтиҹәсиндә йаранмыш статус-квонун мөһкәмләндирилмәсинә йөнәлмиш ганунсуз сәфәрләринин гаршысыны алмаг үчүн гәтиййәтли тәдбирләр ҝөрмәйә вә бунунла да өз бейнәлхалг өһдәликләринин дүзҝүн йеринә йетирилмәси марагларыны рәһбәр тутараг низамламада васитәчи кими гәрәзсиз йанашмасынын ардыҹыллығыны тәсдиг етмәйә чағырылыб.
.......
340
