(ABNA24.com) Иран Хариҹи Ишләр Назирлийинин сөзчүсү Сеййед Әббас Моусәви өтән ҹүмә ҝүнү билдирмишди ки, Зәриф Иран Ислам Республикасынын фәал вә мүвазинәтли дипломатийасы истигамәтиндә базар ертәси ҝүнүндән Чинә, Јапонийайа вә Малайзийайа сәфәрә чыхаҹагдыр. Амма Зәрифин Франсайа сәфәринә ҝөрә, о, базар ертәси ҝүнү сәһәр тездән Пекинә йола дүшдү.
Иран Ислам Республикасынын хариҹи ишләр назири Франсанын хариҹи ишләр назири Жан Ив Ле-Дрианын дәвәти илә Иран вә Франса президентләри арасындакы сон тәшәббүсләр барәдәки мәшвәрәтләри давам етдирмәк үчүн дүнән ахшам Франсанын Биарритс шәһәринә, йеддиләр групу саммитинин кечирилдийи мәкана сәфәр етди.
Иранын хариҹи ишләр назири Биарритс шәһәриндә Франсанын президенти Еммануел Макрон, бу өлкәнин хариҹи ишләр назири Жан Ив Ле-Дриан, һәмчинин Алманийа вә Инҝилтәрәнин нүмайәндәләри илә ҝөрүшдү.
Зәриф дүнән ҝеҹә Биарритси тәрк етмәздән өнҹә тwиттер-дә вурғулады ки, Иранын фәал дипломатийасы конструктив анлашманын реаллашмасы истигамәтиндә давам едир. О, йазыб: Гаршыда дуран йол чәтиндир, амма имтаһан етмәйә дәйәр.
Једдиләр групунун башчылары шәнбә ҝүнүндән үч ҝүн мүддәтинә Биарритс шәһәриндә бир арайа ҝәлдиләр.
Једдиләр групу үзвләринин билдирдикләринә ҝөрә, Иран бу групун саммитинин биринҹи ҝүнүндә бәһс олунан әсас мөвзулардан бири олубдур.
Теһран вә Парис сон һәфтәләрдә нүвә анлашмасыны хилас етмәк мәгсәдилә данышыглара башлайыблар.
.....
340
