(ABNA24.com) Бу, сон ики һәфтәдә Шимали Корейанын йеддинҹи ракет сынағыдыр.
Шимали Корейанын рәһбәри Ким Чен Ын бу өлкәнин йени ракет сынагларыны Америкадан силаһ идхалатыны, һәмчинин Вашингтонла бирҝә маневрләр кечирмәйи дайандырмаг барәдә Сеула хәбәрдарлыг адландыырыбдыр.
Шимали Корейанын хәбәрдарлыгларына рәғмән, Америка вә Ҹәнуби Корейанын бирҝә һәрби маневри базар ертәси ҝүнүндән башланыб вә 25 ҝүн давам едәҹәкдир.
Шимали Корейа Америка илә нүвә тәркисилаһы мүзакирәләринин башланмасындан бир нечә ай өнҹәдән өз нүвә вә ракет сынагларыны дайандырмышды, амма бу мүзакирәләрин уғурсуз галмасындан сонра ракет вә нүвә програмыны инкишаф етдирмәк истигамәтиндә аддымлар атыбдыр.
Шимали Корейа лидери Ким Чен Ын вә АБШ президенти Доналд Трамп сон бир илдә үч дәфә ҝөрүшүбләр.
Лакин АБШ Сингапур сазишләри чәрчивәсиндә һеч бир әмәли аддым атмайыб вә бу, Пхенйанын тәнгидләринә сәбәб олубдур.
Шимали Корейа ики өлкәнин данышыгларынын уғурсуз олмасынын әсас сәбәбини АБШ-ын өз өһдәликләринә әмәл етмәмәси вә бу өлкәнин тамаһкарлығы адландырыбдыр.
........
340
