Ислам Ингилабынын Бөйүк Рәһбәри дүнән ахшам Имам Хомейни(р.ә)-ин пак зийарәтҝаһында Имам(р.ә)-ин мисилсиз ҹазибәсинин һәмишәлик олараг давам етмәсинин сиррини о һәзрәтин фитри сәхавәтләри вә шәхсиййәт координатлары адландырыблар вә Имамын Иранын халгы вә рәсмиләри үчүн бөйүк дәрс кими “Мүгавимәт йолу вә мәнтиги”нин мигйасы вә деталларыны шәрһ едәрәк, вурғулайыблар ки, бу ҹазибәдар тәфәккүр вә йол һәр ҝүн даһа чох халглары өзүнә ҹәлб едир.
Һәзрәт Айәтуллаһулузма Хаменеи Иран халгынын Имам Хомейни(р.ә)-ин вәфатынынн отузунҹу илдөнүмү ҝүнүндәки әзәмәтли топлантысы, еләҹә дә Үмумдүнйа Гүдс ҝүнүндәки ифтихарлы йүрүшүнү Имам(р.ә)-ин ҹазибәсинин давам етмәсинин ашкар нишанәләри адландырыб вә белә әлавә едибләр: Гүдс ҝүнү йүздән чох дүнйа өлкәсиндә дә хас бир мәрасим вә йа йүрүш формасында кечирилди вә ҝөстәрди ки, Имамын бу бейнәлхалг ҝүнү тәйин етмәсиндән гырх ил сонра о һәзрәтин ҹазибәси вә нүфузу еләдир ки, халглары һәрәкәтә ҝәтирмәкдә давам едир.
Һәзрәт Айәтуллаһулузма Хаменеи халгларын Имам Хомейни(р.ә)-ин йолуна, йәни мүгавимәтә рәғбәт етмәләринин сәбәбини бу йолун тәбии ҹазибәси адландырыб вә белә әлавә едибләр: Бу просесдә Иран Ислам Республикасы халглара һеч бир иҹбарилик тәтбиг етмәйибдир. Гүдс ҝүнүнүн бу ил йүздән чох дүнйа өлкәсиндә кечирилмәси дә халгларын өз сечимләри вә бәйәнмәләри әсасында һәйата кечибдир.
“Мүгавимәт”ин Гәрби Асийадакы бүтүн халгларын гәбул етдикләри мүштәрәк кәлмә олдуғуну вурғулайан Ислам Ингилабынын Бөйүк Рәһбәри белә гейд едибләр: Әлбәттә, бәзиләри һәлә мейдана ҝирмәйә ҹүрәт етмирләр, амма бир чохлары да мейдандадырлар.
Мүгавимәт ҹәбһәсини бу ҝүн һәр бир диҝәр ҝүндән даһа ҝүҹлү адландыран Һәзрәт Айәтуллаһулузма Хаменеи билдирибләр ки, америкалыларын Ливан, Ираг, Сурийа вә Фәләстиндәки мәғлубиййәтләри мүгавимәт ҹәбһәсинин гүдрәт ҝөстәриҹисидир.
Һәзрәт Айәтуллаһулузма Хаменеи һәмчинин Америка игтисадиййатынын тәнәззүлүнүн вә бу өлкәнин дүнйа игтисадиййатындакы тәсиредиҹилийинин гәрибә шәкилдә азалмасынын ҝөстәриҹиси олан рәсми статистикалара ишарә едәрәк, белә гейд едибләр: Сийаси мейданда да Американын гүдрәти тәнәззүл едибдир ки, “ҹәнаб Доналд Трамп” координатлы бир шәхсин сечилмәси Америка сийасәтинин тәнәззүлү үчүн ән ашкар вә ән йахшы нишанәдир.
Ислам Ингилабынын Бөйүк Рәһбәри әлавә едибләр: Америка ҹәмиййәтиндә 300 милйон нәфәрдән чох инсанын талейинин фикри, психоложи вә мәнәви балансы барәдә ҹидди шүбһәләр вә тәрәддүдләрин мөвҹуд олдуғу бир шәхсә тапшырылмасы Американын сийаси вә әхлаги тәнәззүлүнә ашкар бир дәлилдир.
Ислам Ингилабынын Бөйүк Рәһбәри АБШ һөкумәтинин әхлаги сүгутунун нишанәләриндән диҝәр бирисини бу һөкумәтин сионист режимин ишғал олунмуш әразиләрдәки ҹинайәтләринә, еләҹә дә бир нечә һөкумәтин Јәмәндәки ҹинайәтләринә вә бу өлкә халгыны гырғын етмәләринә дәстәк вермәси адландырыб вә вурғулайыблар: Иҹтимаи саһәдә дә Америка чохлу сайда проблемләрә, о ҹүмләдән зоракылыг, наркоманлыг, аҹлыг, ҹинайәт вә гәтлин йүксәк ҝөстәриҹисинә дүчар олубдур; белә бир шәраитдә Америка президенти заһирдә Иран халгына үрәк йандырыр вә она хөшбәхтлик арзу едир, амма она демәк лазымдыр ки, ҝедин, әҝәр баҹарырсыныз, өз проблемләринизи һәлл един.
...............
300
