Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Судан һәрби гүввәләри чәршәнбә ахшамы ҝеҹә саатларында һакимијјәтдән кәнарлашдырылмыш президенти Өмәр әл-Бәшири һәрби чеврилишдән бәри галдығы гонаг евиндән чыхарараг Хартум јахынлығында јерләшән Кобер ҹәзачәкмә мүәссисәсинә көчүрүб.
Өмәр әл-Бәширин аилә үзүвләринин вердији мәлумата ҝөрә, президентлә јанашы, онун 11 јахын силаһдашы вә суданлы јүксәк вәзифәли дөвләт мәмуру һаггында һәбс-гәтимкан тәдбири сечилиб.
Хатырладаг ки, Судан халгы өтән ил 2018-ҹи илин декабр ајындан бәри Ө. әл-Бәшир һакимијјәтинә гаршы етираз аксијаларына старт вердикдән сонра 2019-ҹу илин апрелин 11-дә һәрбичиләр тәрәфиндән Суданда дөвләт чеврилиши һәјата кечди. Һәрбчиләр Өмәр әл-Бәшири һакимијјәтдән кәнарлашдырараг, дөвләтә нәзарәти әлә кечирди. Өлкәдә бир ил мүддәтиндә фөвгәлада вәзијјәт елан олунду.
Диггәт: Хәбәрдән истифадә етдикдә мәнбәјә истинад лазымдыр
