Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Русија вә НАТО мүлки вә һәрби истигамәтләрдә әмәкдашлығы тамамилә дајандырыб.
Бу барәдә Русија хариҹи ишләр назиринин мүавини Александр Грушко “РИА Новости”јә ачыглама вериб.
“НАТО өзү Русија илә мүнасибәтләрдә мүсбәт ҝүндәмдән имтина едиб. Белә бир ҝүндәм артыг мөвҹуд дејил. НАТО рәһбәрлијинин проблемдән чыхыш јолуну билмәсинә даир һеч бир әламәт ҝөрүнмүр”, - дејә о билдириб.
ХИН рәһбәринин мүавини Атлантика Алјансынын һәрби хәтдә нормал ишҝүзар тәмаслара сон гојмаг гәрарынын абсурд олдуғуну һесаб едир. Онун сөзләринә ҝөрә, бир чох ҹәһәтләрдә Авропада тәһлүкәсизлик мәһз Русија вә НАТО әлагәләриндән асылыдыр.
Хатырладаг ки, Русија илә НАТО арасында әлагәләр 1991-ҹи илдә гурулуб. Грушко 2018-ҹи илин јанвар ајына гәдәр Русијанын НАТО баш гәрарҝаһындакы (Брүссел) даими нүмајәндәлијинә рәһбәрлик едиб.
Диггәт: Хәбәрдән истифадә етдикдә мәнбәјә истинад лазымдыр
