Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, артыг Рәҹәб ајы сона јетди, Шәбан ајы дахил олду.
Гејд едәк ки, милади тәгвиминдән фәргли олараг һиҹри тәгвими илә јени ҝүн мәғриб әзаны илә, јәни ҝүнәшин гүруб етмәси илә (батмасы илә) башлајыр. Одур ки, һиҹри тәгвиминдә өнҹә ҝүнүн ҝеҹәси, сонра исә ҝүндүзү ҝәлир.
Шәбан ајы һиҹри-гәмәри илинин сәккизинҹи ајыдыр. Ајын бу адла адландырылмасы Исламдан өнҹәки тарихә гајыдыр. Шабан сөзү шөбә (бөлмә), шөбәләшмәк (бөлүнмәк) мәнасындадыр.
Тарихчиләр билдирир ки, рәҹәб ајы әрәб гәбиләләри үчүн дөјүшләрин гадаған олдуғу ај иди. Амма нөвбәти ај исә (шабан) белә дејилди. Мәһз бу ај башлајанда гәбиләләр јенидән бир бириндән ајрылыб шөбәләшәр вә дөјүшләрә башлајардылар.
Амма ислам дини шабан ајына фәргли шәкилдә бахыр вә фәргли шәкилдә ону мәналандырыр. Аллаһын Рәсулу (с) шәбан ајынын “мәним ајым” дејә адландырыб вә бу ај үчүн хүсуси әмәлләр, зикирләр, ибадәтләр гејд олунуб ки, бөјүк фәзиләтә маликдир.
Һәмчинин пејғәмбәр (с) бу ајын шәбан адландырмасыны бир башга ҹүр мәналандырыб вә бу ајы хејир бәрәкәт ајы кими танытдырыб:
“О шәбан адланыб, чүнки мөминләрин рузиси бу ајда бөлүнәр” (Сәвабул-әмал)
Бу мүбарәк ај әмәлләрин савабы бахымындан бол, бәрәкәтли олдуғу кими, илаһи лүтфлә дә долудур.
Мөтәбәр мәнбәләрә ҝөрә бу ајын әламәтдар ҝүнләри ашағыдакылардыр.
1. Һәзрәти Имам Һүсејн (ә) мөвлуду (3-шәбан)
2. Имам Һүсејнин (ә) Мәккәјә дахил олмасы.
3. Һәзрәти Әбул Фәзлил Аббас(ә)мөвлуду (4- шәбан)
4. Һәзрәти Имам Зенул Абидин (ә) мөвлуду(5-шәбан)
5. Һәзрәти Әли Әкбәр(ә) мөвлуду ( 11-шәбан)
6. Һәзрәти Ымам Мәһди (ә.ф.) мөвлуду( 15-шәбан)
7. Оруҹун ваҹиб олмасы (28-шәбан)
Диггәт: Хәбәрдән истифадә етдикдә мәнбәјә истинад лазымдыр
