Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һәзрәт Рәсули Әкрәмин пејғәмбәрлик мәгамына Аллаһ Тәала тәрәфиндән тәјин едилмәси Мәбәс Бајрамы адланыр. Мәбәс әрәб сөзү олмуш вә лүғәтдә мәнасы киминсә тәрәфиндән мүәјјән бир һәдәфә доғру һәрәкәт етмәјә дејилир...
Милади тарихи илә 610-ҹу илдә Рәҹәб ајынын 26-дан 27-ә кечән ҝеҹәдә Мәккә шәһәринин кәнарында јерләшән Ҹәбәлүл-Нура дағындакы Һәра мағарасында артыг узун илләрдән бәри һәфтәләрлә ибадәтлә мәшғул олан һәзрәт Муһәмәд Әмин (сәлләллаһу әлејһи вә алиһ) Аллаһ Тәала тәрәфиндән рәсми олараг һәзрәт Ҹәбраил Әмин васитәси илә Она назил олунан вәһји инсанлара чатдырмаға мәмур олур.
Бу ил 2019-ҹу илин апрел ајынын 3-чү Мәбәс Бајрамынын ҝүнүнә тәсадүф едир.
Биз АБНА олараг ҹин вә бәшәријјәтин Бөјүк Гуртулуш Бајрамы олан Мәбәс Бајрамыны илкөнҹә Имам Заман (Аллаһ Тәала Онун шәрәфли ҝәлишини тезләшдирсин) һәзрәтләринә, Онун Һагг Наиби Имам Хаменеи ҹәнабларына, Али Тәглид Мәрҹәләринә вә үмүмдүнја мүстәзәфләринә тәбрик әрз едирик!
Мәбәс Бајрамы ҝеҹәси вә ҝүндүзүнүн бир сыра әмәлләри вардыр ки, онлара әмәл етмәк олдугҹа мүстәһәб вә саваб бир әмәлдир. Бу әмәлләр һаггда мәлуматы сајтымыздан әлдә едә биләрсиниз.
Диггәт: Хәбәрдән истифадә етдикдә мәнбәјә истинад лазымдыр
