Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәудијјә телеканалы бир репортажда Суријанын шималынын парчаланмасы планынын мәғлубијјәтә уғрадығыны билдириб вә Сәудијјәнин мүттәфигинин нәһајәт күрдләрә арха чевирдијини етираф едиб.
Әл-Әрәбијјә телеканалы билдириб ки, күрдләрин Суријанын шималында күрд дөвләти јаратмаг хүлјасы реҝионал тәрәфләрин мәнафе зиддијјәтләри ҝировундадыр амма бу хүлја Американын Суријанын шималыны гәфилдән тәрк етмәсиндән сонра өзүнүн сон нәфәсләрини чәкир.
Әл-Әрәбијјә телеканалынын мүхбири дејир: Сурија күрдләри чәтин дурумдадырлар вә АБШ нәһајәт онлара арха чевирди. Онлар бу ҝүн намәлум тале јашајыр вә Түркијә һәрбчиләринин МИнбиҹин әтрафында сыраланмасы өнҹә она гаршы исјан едән күрд јараглыларыны Сурија һөкумәтиндән јардым истәмәјә мәҹбур етди. Һал-һазырда Минбиҹ мүһасирәдәдир вә өнҹә дә Ифрин сүгут етмишдир. Буна ҝөрә дә аналитикләрин дедикләринә әсасән күрд јараглылаырн мухтар һөкумәт јаратмаг планлары өзүнүн сон нәфәсләрини чәкмәкдәдир.
Сурија һәрбчиләринин 2012-ҹи илдә Суријанын күрд сакинли әразиләриндән чыхмасы күрд јараглылара мухтар һөкумәт хүлјаларыны реаллашдырмаг үчүн тарихи фүрсәт јаратмыш олду. Амма Суријада бејнәлхалг тәрәфләрин мәнафеләринин зиддијјәт тәшкил етмәси күрд јараглыларыны бүтүн тәрәфләрин онларын дүшмәнинә чеврилмәләринә ҝәтириб чыхартды. Русијаја ҝөрә, күрд јараглылары Суријада Американын һәрби голудурлар. Сурија һөкумәти күрд јараглыларыны, Суријаны парчаламаг вә милли бирлији мәһв етмәк истәјән хәјанәткарлар кими ҝөрүр вә Түркијә исә һәмишә онлары Түркијәнин јараглы күрдләри илә стратежи әлагәләрә малик олан вә Түркијәнин милли тәһлүкәсизлијини тәһдид едән террорчу силаһлылар һесаб едир. Бүтүн бунлар Суријадакы күрд јараглылары өзләринин мухтар һөкумәт рөвјаларындан ваз кечмәк вә мәркәзи һөкумәтин нәзарәти илә разылашмаларына сәбәб олду.
Диггәт: Хәбәрдән истифадә етдикдә мәнбәјә истинад лазымдыр
