Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн, рәбиуләввәл ајынын 12-си, бәзи рәвајәтә ҝөрә, Исламын Әзиз Пејғәмбәри- Һәзрәт Муһәммәд Мустәфа(с.ә.с)-ин мөвлудунун илдөнүмү ҝүнүдүр.
Сүнни әһли рәбиуләввәл ајынын 12-ни, шиәләр исә бу ајын 17-ни, Әзиз Ислам Пејғәмбәри(с.ә.с)-ин мөвлудунун илдөнүмү ҝүнү билирләр.
Өзү Ислам Дүнјасында вәһдәт ҹарчыларындан олмуш Иран Ислам Республикасынын баниси Һәзрәт Имам Хомејни(р.ә.) бу мәсәләдән ислами групларын бирлији вә јахынлашмалары үчүн истифадә етди вә бу ики тарих арасындакы мүддәти "вәһдәт һәфтәси" адландырды.
Бу һәфтә хүсусән фитнә вә чахнашма илә долу олан индики заманда Ислам Дүнјасынын һәмрәјлији вә бирлији зәрурәтинин арашдырылмасы үчүн мүнасиб бир фүрсәтдир.
Һәрчәнд мүхтәлиф мәзһәбләрдән олан мүсәлманлар бәзи рәј вә һөкмләрдә фикир ајрылғына маликдирләр, амма онлар тәк Аллаһа инам, сәмави китаб, пејғәмбәр вә ваһид гиблә кими бир чох ортаглыглара да маликдирләр.
Һәмчинин мүсәлманлар намаз, оруҹ, зәкат вә саир кими мүһүм ибадәтләрин јеринә јетирилмәсиндә дә фикир бирлијинә маликдирләр.
Биз АБНА олараг Әзиз Ислам Пејғәмбәри(с.ә.с)-ин мөвлуду илә бәзәнмиш мүбарәк вәһдәт һәфтәсинин башланғыҹында бу сәадәтли мүнасибәтлә бүтүн дүнја мүсәлманларыны тәбрик едирик.
Диггәт: Хәбәрдән истифадә етдикдә мәнбәјә истинад лазымдыр
