Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ирагын Әнбар вилајәтиндәки Ашакат рајонунун ИШИД-дән азад едилмәси әмәлијјатына сәһәр саатларында старт верилиб.
Ирагын тәһлүкәсизлик гүввәләринә бағлы бир һәрби мәнбә бу ҝүн башладылан Ашакатын ИШИД-дән азад едилмәси әмәлијјатынын бир нечә ҹәбһәдә давам едәҹәјини билдириб.
Адыны аноним сахлајан јүксәк вәзифәли һәрби мәнбә бу әмәлијјата Әнбардакы һөкумәт ордусу иттифагларынын 1-ҹи, 8-ҹи вә 10-ҹу бригадалары илә бирликдә хүсуси бирликләрин дә тәрәфдашлыг етдијини ачыглајыб.
Мәнбә әмәлијјатда Әл-Һәшдуш Шәби илә Һашди Әл-Ашајири көнүллү халг гүввәләринин дә иштирак етдијини билдириб.
Диггәт: Хәбәрдән истифадә етдикдә мәнбәјә истинад лазымдыр
