Ајәтуллаһ Һаҹы Сејид Јунис Мусәви Нәҹәфи Әрдәбили шәмси 1255-ҹи илдә Әрдәбилдә алим евиндә дүнјаја ҝөз ачыб. Устады мәшһур шиә мәрҹәси Ахунд Хорасани дүнјасыны дәјишәндән сонра Нәҹәф һөвзәсиндә онун тәдрисини давам етдириб. Залым Рза Пәһләви дөврүндә Ислама гаршы атылан аддымлара илк етираз едәнләрдән олуб. Нәҹәфдә бөјүк нүфуз саһиби олса да вәтәни Әрдәбилә - Дарул-иршада гајыдыб. Шәмси 1314-ҹү илдә Мәшһәдә ҝедиб. Рзаханын һиҹаб гадағасына етираз етдији үчүн һәбс олунуб. Һәбс едилән заман јолдашлары дуа-тәвәссүлә мәшғул икән Ајәтуллаһ Сејид Јунис Әрдәбилинин Ҹәваһир мүталиә етмәси мәшһур әһвалатлардандыр.
Мәшһәддә танынмыш устадлардан бири нәгл едир: Јухуда ҝөрдүм ки, Имам Риза (ә) бир шәхсин истигбалына чыхыб. Сүбһ мәрһум Сејид Јунисин ҹәназәсини һәрәмә ҝәтирдиләр. Јухуда Имам һансы гапыдан дахил олмушдуса, ҹәназәни һәмин гапыдан сәһнәјә апардылар!
Имам Хомејни (р) мүбаризә тарихиндән данышанда аз ад чәкиб, онлардан бири Ајәтуллаһ Сејид Јунис Әрдәбилидир. Ајәтуллаһ Хаменеи дә өз сөһбәтләриндә ону хатырлајыр.
Ајәтуллаһ Сејид Јунис Әрдәбили 84 јашында дүнјасыны дәјишиб, Имам Ризанын (ә) һәрәминдә, Дарус-Сәадәт ривагында дәфн едилиб...
Диггәт: Хәбәрдән истифадә етдикдә мәнбәјә истинад лазымдыр
