Илһам Әлиjев севимли журналистләри үчүн инша етдирдиjи икинҹи бинанын ачылыш ҝүнүндә деjиб ки, журналистләр мәним көмәкчиләримдир. Лап бир мәшһур маһныда олдуғу кими:” мәним журналистләрим, мәним сәрвәтимдир”, үзр истәjирәм,” мәним илләрим, мәним сәрвәтимдир”. Илһам Әлиjев 2013-ҹү илдә 156, 2017-ҹи илдә 255 әлигәләмли көмәкчисини мәнзиллә мүкафатландырды вә jенидән 255 көмәкчисини Һеjдәр Әлиjевин портретләри илә бәзәдилән мәнзилләрлә тәмин етмәк үчүн 5 милjон манат аjырыб. Јери ҝәлмишкән, үч бинанын мәнзилләри бир jердә 666 едир: “666”-нын һаггында интернетдә jетәринҹә илҝинч мәлуматлар вар, һәтта кино да чәкилиб. Вахт ҝәләҹәк, бир горхулу кино да “ Президент вә 666 көмәкчиси” ады илә Азәрбаjҹанда чәкиләҹәк…
Мараглыдыр, доггуз милjон әһалиси олан бир өлкәнин президентинин 666 нәфәр гәләм вә клавиатура илә силаһланмыш көмәкчиси варса, тапанча вә автоматла силаһланмыш көмәкчиләринин саjы нә гәдәрдир? Вә бу гәдәр ҝүҹлү көмәкчиләри олан президент ниjә Азәрбаjҹанын ишғал олунан торпагларыны ҝери гаjтара билмир, өлкә вәтәндашлары ишсизлик, jохсуллуг ичиндә мәһв олур?!
Азәрбаjҹан елә бир һагсызлыг диjарына чеврилиб ки, мүһарибәjә ҝетмәjәнләр “гази тәгаүдү” алыр, өмрүндә бир дәфә виҹданлы jазысы олмаjан “Журналистләр еви”ндә jашаjыр.
Һамы билир ки, анҹаг зәифләрин, тәнбәлләрин, хәстәләрин көмәкчиjә еһтиjаҹы олур, ҝүҹлү, сағлам инсанын көмәкчиjә еһтиjаҹы jохдур. Елә исә ниjә велосипед сүрмәjи баҹаран, турникдә дартынмағы севән, мәшәллә гача билән Илһам Әлиjев дөвләтин пулларыны ҝөjә совурмагла өзүнә гәләм вә клавиатура илә силаһланмыш көмәкчиләр топлаjыр? Һәм дә евлә, медалла мүкафатландырдығы көмәкчиләринин әксәриjjәти әввәлләр ону тәнгид едибләр, ән ағыр сөзләри адына үнванлаjыблар. Јәни Илһам Әлиjев о гәдәр зәиф вә ҝүҹсүздүр ки, һәтта дүшмәнләрини, вахтилә она нифрәт едәнләри ев, медал мүгабилиндә өзүнә көмәкчи едир?..
Бәли, өлкәси учурумун кәнарында олан бир президент мәҹбурдур ки, өлкәдәки ишсизлиjи, виҹданлы инсанларын һәбсини, әсҝәр өлүмләрини, интиһарлары “малаламаг” үчүн һәтта она нифрәт едән журналистләри дә дилә тутуб, МАЛАКЕШ етсин…
Илһам Әлиjевдән jени евләр һәдиjjә алыб jени гапыларындан ичәри ҝирән журналистләр унутмасынлар: “Журналистләр еви”нин һәр гырмызы лентли ачыг гапысы jүзләрлә гапыны бағлы гоjуб, ачарыны гара лентли едиб…
Азәрбаjҹанда әсл журналистә ев вермирләр, гапысыны бағлы гоjурлар!
Әлиjевләр һакимиjjәти өлкәдәки хошбәхт аиләләрин һамысыны ҝөзүjашлы етди, чүнки башгаларынын гәми, фаҹиәси аилә хошбәхтлиjи олмаjанлара тәсәлли олур…
Диггәт: Хәбәрдән истифадә етдикдә мәнбәjә истинад лазымдыр
