Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мартын 3-дә Сураханы Рајон Мәһкәмәсиндә блоггер Меһман Һүсејнова 3 ил һәбс истәнилиб. Бу һагда мәһкәмәдә блоггери мәһкәмәјә вермиш Нәсими Рајон Полис Идарәсинин рәиси Муса Мусајевин нүмајәндәси Әлирза Әбилов чыхышында билдириб. Лакин иддиаја бахан һаким Ҹејһун Гәдимовун сәдрлијилә мәһкәмә һејәти мүшавирәјә ҝедиб гајытдыгдан сонра Меһман Һүсејнова 2 ил һәбс верилиб. Мәһкәмәнин гәрарындан сонра Меһман Һүсејнов Күрдәханыдакы 1 сајлы Истинтаг Тәҹридханасына апарылыб.
Меһман Һүсејновун ҸМ-нин 147.2-ҹи (бөһтан) маддәси илә мәсулијјәтә ҹәлб олунмасы истәнилирди. Онун полисә бөһтан атдығы иддиа олунурду. Меһман Һүсејнов јанварын 10-у ачыгламасында полисдә ишҝәнҹәләрә мәруз галдығыны билдирмишди.
Блоггер исә сон сөзүндә дејиб ки, бу, журналист фәалијјәтинә ҝөрә јухарыдан ҝәлән сифаришдир.
Диггәт: Хәбәрдән истифадә етдикдә мәнбәјә истинад лазымдыр
