Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ајәтуллаһ Мәһәммәд Әли Мүвәһһиди Кирмани Теһранын бу һәфтәки Ҹүмә Намазы заманы етдији чыхышында Ираг вә Јәмәнин инфраструктурларынын харабазарлыға чеврилмәси вә бу өлкәләрин гејри-стабил шәраитдә јашамасында билаваситә Сәудијјә Әрәбистанынын мәсулијјәт дашыдығыны вурғуајыб.
Ҹүмә Намазынын Рәһбәр Ајәтуллаһ Мәһәммәд Әли Мүвәһһиди Кирмани Сәудијјә Әрәбистаны хариҹи ишләр назиринин Ираг вә Јәмәнин дахили мәсәләләриндә Иран Ислам Республикасынын мүдахиләсинә даир етдији иддиасына тохунараг билдириб: “Һал-һазырда бүтүн дүнја Ираг, Јәмән, Бәһрејн вә Суријада баш верән һадисәләрдә бирбаша Сәудијјә Әрәбистаны тәрәфиндән дәстәј верилдијини вә гејд олунан өлкәләрдә төрәдилән ҹинајәтләрдә Али Сәуд режиминин ролу олдуғуну билирләр.”
Ајәтуллаһ Мүвәһһиди Кирмани һәмчинин Ислам Ингилабынын гәләбәсинин илдөнүмүнүн ҝәлиб чатмасына тохунараг билдириб: “Иранда 1978-ҹи илдә баш верән Ислам Ингилабы асанлыгла әлдә олунмајыб, чохлу сајда иранлы ҝәнҹ бу јолда Шәһид олуб вә ишҝәнҹә едилиб ки, Ислам Ингилабыны Иран вәтәндашларына әманәт версинләр.”
Диггәт: Хәбәрдән истифадә етдикдә мәнбәјә истинад лазымдыр
