Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасынын ШӘРЛӘНӘРӘК мәһбәс һәјаты сүрән лидери Доктор Мөвсүм Сәмәдовун һәбс едилмәмишдән өнҹә кечдији әхлаг дәрсләриндән I һиссәсини охуҹуларымыза тәгдим етмишдик.
Хатырладаг ки, һазырда 12 иллик һәбс ҹәзасына мәһкум едилән АИП лидери Мөвсүм Сәмәдов иҹтимаи-сијаси хадим олмагла јанашы, ејни заманда руһани алим вә бөјүк әхлаг устадыдыр. О, һәбс олундуғу мүддәтә гәдәр тәләбәләри илә бирҝә мүтәмади шәкилдә әхлаг дәрсләри тәшкил едәрди. Доктор Сәмәдов һәмин дәрсләрдә али илаһи маарифин һәгигәтләрини инсанлара чох ҝөзәл формада изаһ едәрди. Дәрсләр һәтта о гәдәр илаһи нур вә фејзлә әһатә олунурду ки, дәрс иштиракчылары дәрсин саатларла давам етмәсини истәјирди.
Сөзүҝедән дәрсләрин икинҹи һиссәсини охуҹуларына тәгдим едирик.
Тәвәлла вә Тәбәрранын (Ред:Аллаһын достлары илә дост, дүшмәнләри илә дүшмән олмаг) мүхтәлиф дәрәҹәләри вардыр ки, онлары ашағыдакылардыр.
• Әгидә бахымдан тәвәлла вә тәбәрра
• Әмәл бахымындан тәвәлла вә тәбәрра
• Әхлаг бахымындан тәвәлла вә тәбәрра
Әхлагла бағлы тәвәлла вә тәбәрра инсана мәхсус рәзилә вә фәзилә сифәтләрлә бағлыдыр. Шејтан да инсанлары һәмишә мәртәбә-мәртәбә Аллаһла дүшмәнчилијә апарыр вә инсанын Аллаһла олан рабитәсини тамамилә гәт етмәк истәјир. Бу бахымдан ән кичик ҝүнаһлара вә рәзилә әмәлләрә белә диггәт етмәјимиз зәруридир. Шејтан өзү там шәкилдә Аллаһын һөкмүнә гаршы чыхыдығына ҝөрә, она итаәт едән вә гулаг асан инсаны да өз һәддинә чатдырыр.
Бүтүн ибадәтләр исә өз нөвбәсиндә инсанын Аллаһла рабитәсинә хидмәт едир. Нәтиҹәдә инсан бир һәддә чатыр ки, бүтүн һиҹаблар ҝөзүнүн гаршысындан ҝөтүрүлүр. Нәһајәтдә анлајыр ки, бәндә вә варлыг олараг Аллаһла рабитәси вар.
Аллаһ дүшмәнчилијин әламәтләри дә мүхтәлифдир.
Илк әламәти будур ки, бәндә Аллаһла рабитәси олдуғуну инкар едир. Бу инкар өзүнү мүхтәлиф формаларда, һәм дүшүнҹәдә, һәм әмәлдә, һәм дә ки, әхлаги мәсәләләрдә ҝөстәрир.
Диҝәр бир әламәти исә Аллаһ достлары вә өвлијалары илә дүшмәнчилик етмәсидир.
Сонунҹу әламәт исә Аллаһын һөкмләринә гаршы чыхмагла баш верир. Јәни бәндә Аллаһын һөкмләринә әмәл етмәмәклә онунла дүшмән олдуғуну изһар едир.
Бәндә гәти олараг буну анламалыдыр ки, шејтанын она верә биләҹәк һеч нәји јохдур. Ону иши анҹаг вәд вермәкдир ки, бүтүн вәдләри дә сонда јалан чыхыр. Тәәссүф ки, инсанларын әксәријјәти дә Аллаһын һагг вәдләрини унудуб шејтанын вәдләринә алданырлар.
Диггәт: Хәбәрдән истифадә етдикдә мәнбәјә истинад лазымдыр
