Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Али Тәглид Мәрҹәси Ајәтуллаһ Мәкарим Ширази Әрбәин зијарәти үчүн Кәрбәлаја јолланмагда олан зәввар һејјәтини гәбул едәркән бујурублар: “Зәвварлар низам-интизамсызлыгдан чәкинмәли, тәмизлијә максимум дәрәҹәдә риајәт етмәк вә исрафдан чәкинмәлидирләр. Хәтибләр зијарәтин мүстәһәб, намазын исә ваҹиб олдуғуну тәкидлә вурғуламалыдырлар.”
Белә күтләви Әрбәин зијарәтинин илләр өнҹә арзу олдуғуну дејән Али Тәглид Мәрҹәси артыг бу издиһамлы мөһтәшәм зијарәтин Имам Һүсејн (әлејһи сәлам) бәрәкәтинә баш тутдуғуну вә Исламын әзәмәтини ортаја гојдуғуну билдириб.
“Әрбәин мәрасиминдә инсанларын күтләви һүзуру Исламын вә Шиәлијин васитәсиз тәблиғатыдыр. Һеч бир үммәтин вә мәзһәбин дүнјада белә бир мөһтәшәм мәрасими јохдур” – дејә Мәкарим Ширази һәзрәтләри билдирибләр.
Ајәтуллаһ Мәкарим Ширази Әрбәин зәвварларына, низам-интизама риајәт етмәк, әтрафы чиркләндирмәмәк вә тәмизлијә максимум риајәт етмәк, мүстәһәб зијарәтлә јанашы ваҹиб намазлара хүсусиләдә ҹамаат намазларына диггәт јетирмәк, Кәрбәлада узун мүддәт галмагла издиһама сәбәб олмамаг, исрафа јол вермәмәк вә саир төвсијәләрини вериб.
Диггәт: Хәбәрдән истифадә етдикдә мәнбәјә истинад лазымдыр
