Әһли Бејт (әлејһимус сәлам) -АБНА- Хәбәр Аҝентлији- Имам Хомејнинин (ризвануллаһи тәала әлејһ) мәрһумә ханымы дејирмиш ки, мән 8-ҹи синифдә охујурдум ки, Руһуллаһ Хомејни илә евләндим. О заман онун 25 јашы вар иди... Мән ондан әрәб дилини вә Ислам фигһини өјрәндим. 8 ил евдә Имамын шаҝирди олдум... Мән онун евинә ҝәлин олараг көчдүјүм ҝүн үзүнү мәнә тутуб деди ки, сәндән бир хаһишим вар: "Ваҹибатыны (оруҹ вә намазыны) јеринә јетир"...
О, бир дәфә дә олсун мәнә демәди ки, дур мәнә бир истәкан чај вер, ја чыхырсан гапыны да өрт. – (Бу мәсәләни әхлаг устады бир дәфә дәрсдә Имам Хомејнинин өз аиләси илә неҹә ҝөзәл рәфтар етдијини бизә нүмунә олараг дејирди).
Амма мән бурдан бу чыхарышы да етмәк истәјирәм:
Сиз фикирләшин ки, Имам Хомејнинин (ризвануллаһи тәала әлејһ) ханымы неҹә дә Зәһраја (сәламуллаһи әлејһа) лајиг бир ҝәлин олмушдур ки, өз әмәлләри илә әрини һеч вахт она "дур мәнә су вер" вә ја "гапыны өрт" демәјә белә вадар етмәмишдир!
Неҹә ки, Имам Әли (әлејһи сәлам) Һәзрәт Зәһра (сәламуллаһи әлејһа) һаггында бујурур: "Анд олсун Аллаһа ки, ону гәзәбләндирмәдим, ону бир ишә мәҹбур етмәдим... О да мәни гәзәбләндирмәди, һеш бир ишдә мәнә гаршы олмады. Она бахдығым заман гәм вә гүссәләрими унудурдум".
(Кәшфул-Ғүммә, 1/363; Биһарул-Әнвар, 43/134/баб:5;).
Доктор МирМәһәммәд Бәшир
Диггәт: Хәбәрдән истифадә етдикдә мәнбәјә истинад лазымдыр
