Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝеҹә Анкаранын Кызылај мејданында баш вермиш партлајышы төрәдәнләрин кимлији мәлум олуб.
Мәлумата ҝөрә, 37 нәфәрин өлүмү, 125 нәфәрин јараланмасы илә нәтиҹәләнән партлајышы 2 нәфәр төрәдиб. Онлардан бири гадын, диҝәри исә кишидир.
Партладылан автомобилдән парчаланмыш гадын мејити тапылыб. Бармаг изләриндән террорчу гадынын Балыкәсир Университетинин тәләбәси Сәһәр Чағла Дәмир олдуғу мүәјјәнләшиб.
Һазырда онун вә 4 рәфигәсинин иши үзрә мәһкәмә просесинин давам етдији билдирилир. Сәһәр Чағла Дәмир, Һәмидә, Кадер, Сүрәјја Саклы баҹылары вә Јешим Акјүрек адлы тәләбә гызлар ПКК террор тәшкилатына үзв олмаг, террор тәшкилатынын тәблиғатыны апармаг маддәләри илә иттиһам олунурлар.
Диггәт: Хәбәрдән истифадә етдикдә мәнбәјә истинад лазымдыр
