Мәнсур Һади Јәмәндән гачды

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јәмән Әнсаруллаһ Халг Һәрәкаты бу өлкәнин истефа вермиш президентинин өлкәдән гачдығыны билдириб
Сәһәр Беjнәлхалг Телевизиjасынын мәлуматына ҝөрә, Јәмән Әнсаруллаһ Халг Һәрәкатынын сөзчүсү Мәһәммәд Әбдүсалам Әл-Минар информасиjа каналы илә мүсаһибәдә деjиб: Јәмәнин истефа вермиш президенти Әбд Рәббә Мәнсур Һади Әдән шәһәриндәки мәнзилиндән гачыб вә онун талеjи индиjә гәдәр намәлумдур.
Әл-Әһд хәбәр телеканалы да Јәмән даирәләринә истинадән билдириб ки, Мәнсур Һадинин тәjjарәси Јәмәни Ҹибути истигамәтиндә тәрк едиб.
Белә бир һалда Сәудиjjә Әрәбистаны, Бирләшмиш Әрәб Әмирликләри вә Күвеjтин дипломатик һеjәтләри дә Әдән шәһәрини тәрк едибләр.
Һәмчинин, Мсирин Јәмәндәки сәфири вә бу өлкәнин Әдән шәһәриндәки консуллуғунун ишчиләри Әдәни тәрк едибләр.
Диҝәр тәрәфдән Јәмән ордусу халг комитәләринин дәстәjи илә ҹәнубда jерләшән Әдән шәһәринә дахил олуб вә Мәнсур Һадиjә бағлы бир груп забит, о ҹүмләдән сабиг мүдафиә назири Маһмуд Әл-Сәбиһи вә Мәнсур Һадинин гардашы Насир Һадини һәбс едиб.
Һәмчинин Анадолу Информасиjа Аҝентлиjи билдириб: Јәмәнин истефаjа ҝетмиш баш назири Халид Әл-Бәһаһ Јәмәнин халг комитәләри тәрәфиндән бир һәфтәлик ев дустаглығындан сонра Јәмәни Америка истигамәтиндә тәрк едиб.
Диҝәр тәрәфдән Јәмән халг комитәләри бу ҝүн сәһәр Јәмәнин ҹәнубунда Ләһәҹ вилаjәтиндәки Әл-Әнд һава базасына нәзарәти әлә кечирибләр.
Диггәт: Хәбәрдән истифадә етдикдә мәнбәjә истинад лазымдыр