“Бу, ишғалын рәсмиләшмәси демәкдир”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, “Гәрб Русиjанын гаршысында дуруш ҝәтирә билмәсә, ишғалын арды гачылмаз олаҹаг”.

Бу сөзләри политолог Елхан Шаһиноғлу Москванын мәркәзиндә Крымын ишғалынын 1 иллиjинин геjд олунмасы әмрини верән Путинин диҝәр тәрәфдән Ҹәнуби Осетиjа илә мүттәфиглик вә интеграсиjа мүгавиләсинин имзаламасыны шәрһ едәркән деjиб. Онун сөзләринә ҝөрә, Крымын ишғалы ҝөрүнүр, Русиjаны ҹанландырыб:
“2008-ҹи илдә Ҝүрҹүстанда мүһарибә заманы рус ордусу Абхазиjа вә Ҹәнуби Осетиjаны ишғал етди. Анҹаг о заман Гәрб Русиjаjа санксиjа тәтбиг етмәди. Чүнки о вахт мүһарибәнин ким тәрәфиндән башладылмасы суал алтында галырды вә Ҝүрҹүстан һакимиjjәтиндән дә шүбһәләнирдиләр. Һәр һалда, Русиjа орду бирликләрини Ҹәнуби Осетиjа вә Абхазиjада jерләшдирсә вә онларын дырнагарасы мүстәгиллиjини таныса да, Русиjаjа бирләшдирмәди. Јәни Гәрб һардаса буна дөзә биләрди. Инди Русиjа Крымын ишғалынын бир иллиjини геjд етмәклә бәрабәр, фактики олараг Ҹәнуби Осетиjа илә мүгавилә имзалаjыб. Бу, онун ҝөстәриҹисидир ки, Русиjанын ишғалчы сиjасәти вә чохлары үчүн тәһлүкәси давам едир. Днестрjаны бөлҝәдә Русиjанын өз мараглары вар. Бу бахымдан Крымын ишғалы санки бир гәдәр Русиjаны ҹанландырыб вә иштаһасыны артырыб. Гәрб баша дүшүр ки, Русиjанын гаршысында ҹидди дуруш ҝәтирә билмәсә, Русиjанын тәзjигләри арта вә Ҹәнуби Осетиjа илә имзаланан сазишин арды ҝәлә биләр. Мүмкүндүр ки, Днестрjаны сепаратчыларла да мүвафиг сәнәд имзалансын. Она ҝөрә дә Гәрб бу мәсәләдә сәртлик нүмаjиш етдирмәjә давам едир”.
Политолог сөзүҝедән мүгавиләнин Ҝүрҹүстан үчүн мүмкүн тәһлүкәсиндән дә данышыб:
“Ҝүрҹүстан Абхазиjа вә Ҹәнуби Осетиjаjа нәзарәт едә билмир вә орада Русиjанын гошун бирликләри jерләшдирилиб. Бу да Ҝүрҹүстан үчүн һәр заман тәһлүкә мәнбәjи демәкдир. Әслиндә индики Ҝүрҹүстан һакимиjjәти Русиjа илә данышыглара меjллидир. Садәҹә бу данышыглар һәлә ки, баш тутмур. Чүнки Русиjа Абхазиjа вә Ҹәнуби Осетиjаны Ҝүрҹүстанын әразиси саjмыр. Һалбуки рәсми Москва Саакашвили һакимиjjәти деврилдикдән сонра jени һакимиjjәтлә әлагәләр гураҹағыны билдирмишди. Һәтта Путин мәтбуат конфрансларынын бириндә Ҝүрҹүстанын jени президенти вә баш назири илә ҝөрүшмәjә һазыр олдуғуну билдирмишди. Анҹаг бүтүн бунлар баш вермир. Чүнки фактики олараг Русиjа бу ҝүн Ҝүрҹүстанын әрази бүтөвлүjүнү танымыр. Бу да икитәрәфли тәмаслара ән бөjүк әнҝәлдир”.
Диггәт: Хәбәрдән истифадә етдикдә мәнбәjә истинад лазымдыр