Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Теһранын ҹүмә намазы хәтиби 5+1 Групу илә нүвә мүзакирәләриндә Иранын нүвә мүзакирәчи командасынын функсиjасы вә давраныш үсулуну тамамилә әдаләтли вә мәнтигли адландырыб.
Сәһәр Беjнәлхалг Телевизиjасынын мәлуматына ҝөрә, Аjәтуллаһ Мәһәммәд Әли Мүвәһһиди Кирмани Теһранын ҹүмә намазы хүтбәләриндә Исвечрәнин Лозан шәһәриндә Иран илә Америка вә Американын мүттәфигләринин нүвә мүзакирәләри просесинә тохунараг деjиб: Иранын нүвә һеjәти бу мүзакирәләрә әдаләтли вә мәнтигли шәкилдә дахил олмушдур вә Гәрб дә Иранын бу хошмәрамлылығыны гәбул етмәлидир.
Теһранын ҹүмә намазы хәтиби Иранын нүвә фәалиjjәтләринин сүлһмәрамлы олмасынын исбатына вә Теһранын һеч вахт атом силаһы ардынҹа олмамасына даир Иранын нүвә мүзакирәчиләринин дәфәләрлә олан тәкидләринә тохунараг әлавә едиб: Нүвә мәсәләси Ирана тәзjиг үчүн jалныз бир бәһанәдир.
Аjәтуллаһ Мүвәһһиди Кирмани Гәрбин бәһанәләри вә Ирана тәзjигдә мәгсәдинин, Иран Ислам Ингилабы илә дүшмәнчиликләринин давамы адландырыб вә деjиб: Иранын мүзакирә командасы һеч вахт гаршы тәрәфин тамаһкарлығынын алтына ҝирмәjәҹәк вә империализмин зор дилиндән данышмасы гаршысында Иран халгынын һүгугларыны игтидарла мүдафиә едәҹәкдир.
Теһранын буһәфтәки ҹүмә намазы хәтиби һәмчинин Ираг ордусу вә халгынын ИШИД террор груплашмасы гаршысындакы уғурларына тохунараг үмидварлыг едиб ки, бу гәләбәләр террорчуларын вә әҹнәби үнсүрләрин һамысынын говулмасына гәдәр давам едәҹәк.
Аjәтуллаһ Мүвәһһиди Кирмани бәзи Америка рәсмиләринин Гәрбин Суриjадакы сиjасәтләринин мәғлубиjjәтә уғрамасына даир етирафлары барәдә дә деjиб: Гәрблиләр Суриjа халгы вә онун гануни һөкумәтинә гаршы мүһарибәдә террорчулары тәҹһизатландырмаг үчүн чохлу вәсаитләр хәрҹләмәләринә бахмаjараг, сонда мәғлуб олдулар. Лакин онлар һеч вахт бу мәғлубиjjәтдән ибрәт алмаjыблар вә һәлә дә реҝионда өз мүдахилә вә һәрбчиликләрини давам етдирирләр.
Теһранын ҹүмә намазы хәтиби һәмчинин реҝион халгларынын Америкаjа вә онун мүттәфигләринә гаршы артмагда олан нифрәтинә тохунараг билдириб: Империалист гурулуш реҝон халгларына зүлм етмәк, ган төкмәк, тәҹавүз вә террорчулары тәҹһиз етмәклә өз експансианист вә соjғунчулуг мәгсәдләринә наил ола билмәjәҹәjини билмәлидир.
Аjәтуллаһ Мүвәһһиди Кирмани сонда Бәһреjн халгына мүстәбидликлә мүбаризәдә азадлыға чатмағы арзулаjыб.
Диггәт: Хәбәрдән истифадә етдикдә мәнбәjә истинад лазымдыр
20 mart 2015 - 15:58
Xəbər kodu: 678051
Теһранын ҹүмә намазы хәтиби 5+1 Групу илә нүвә мүзакирәләриндә Иранын нүвә мүзакирәчи командасынын функсиjасы вә давраныш үсулуну тамамилә әдаләтли вә мәнтигли адландырыб.
