Әммар Һәким: Иран Ирагын кәнарында ИШИД әлеjһинә дөjүшүр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Ираг Али Ислам Мәҹлисинин сәдри деjиб: "Беjнәлхалг Коалисиjа"jа үзв өлкәләрин һеч бир иши ҝөрмәдән jалныз һәрби визуаллыг нүмаjиш етдирдикләри бир һалда, Иран Ираг халгынын jанында ИШИД террорчулары илә дөjүшүр.
Сәһәр Беjнәлхалг Телевизиjасынын мәлуматына ҝөрә, Сеjид Әммар Һәким өтән ҝеҹә Бағдадда Али Мәҹлисин һәфтәлик мәдәни конфрансында етдиjи чыхшында "Беjнәлхалг Коалисиjа"нын ИШИД әлеjһинә функсиjасыны тәнгид едәрәк деjиб: Террорчуларын Ирагда вәһшилиjи вә тәһлүкәләрини нәзәрә алдыгда "Беjнәлхлаг Коалисиjа"нын ишиндә ҹиддилик ҝөрүнмүр. Онлар бу өнәмли мәсәләjә елә бир формада jанашырлар ки, санки ади бир силаһлы тоггушма илә гаршылашыблар вә нәтиҹәдә заман вә фүрсәтдән данышырлар.
Әммар Һәким әлавә едиб: Онларла өлкә "Беjнәлхалг Коалисиjа"jа гошулдуғуну елан едиб. Лакин тәәссүфләр олсун ки, бу өлкәләрин иштиракы символик иштиракдыр. Санки бир һәрби парадда иштирак едирләр.
Иранын Ирагда терроризмлә мүбаризәдәки ролуна тохунан Әммар Һәким деjиб: Бәзиләри Иранын бу саһәдәки ролуна шүбһә илә jанашырлар. Лакин фикримизҹә, Иран Ислам Республикасы ираглыларын мүраҹиәтинә Ирагын һәр бир jериндә һеч бир шәрт вә сиjаси мәсәләни нәзәрә алмадан мүсбәт ҹаваб вериб.
Диггәт: Хәбәрдән истифадә етдикдә мәнбәjә истинад лазымдыр