Обама: "Исраил гырыҹыларыны вурун"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,АБШ президенти Барак Обама вә Исраилин баш назири Бенjамин Нетанjаһу арасындакы ҝәрҝинликлә бағлы мараглы бир иддиа ирәли сүрүлүб.
Иранын нүвә обjектләрини бомбаламаг истәjән Исраил Обаманын “Исраилин гырыҹыларыны вурун” әмриндән сонра ҝери аддым атыб.
Һазырда АБШ Конгресинин дәвәти илә Вашингтонда олан Бенjамин Нетанjаһунун Конгресдәки чыхышында Обаманын Иранла  бағлы сиjасәтини тәнгид едәҹәjи ҝөзләнилир. Ики лидер арасында Иранла бағлы ҝәрҝинлик “алтылыг” өлкәләринин Иранла имзаладығы илкин нүвә сазишиндән сонра jараныб. Исраил Обаманын Ираны Гәрб илә jахынлашдырма сиjасәтинә гаршы чыхыр.
Өтән илин jазында Гәзза гәтлиамы заманы Америка һәр нә гәдәр Исраили дәстәкләсә дә, АБШ Исраилин тәләб етдиjи “Ҹәһәннәм атәши” адлы силаһларын сатышыны ҝеҹикдирмишди.
Күвеjт медиасынын jаздығына ҝөрә, Исраилин баш назири Нетанjаһу бир мүддәт әввәл Иранын нүвә обjектләринин бомбаланмасы гәрарына ҝәлиб. Нетанjаһу мүдафиә назири Моше Јаалон, хариҹи ишләр назири Авигдор Либерман вә Баш Гәрарҝаһ башчысы Бени Ҝантс илә ҝөрүшләрдән сонра Ирана гаршы һәрби әмәлиjjата башланылмасы барәдә тәлимат вериб. Исраилин дөjүш тәjjарәләри бир нечә һәфтә әрзиндә Иранын һава мәканына радарлардан jаjынмагла дахил олмаг үчүн маневрләр едиб.
Мәлумата ҝөрә, һәрби әмәлиjjата һазырлыгларын тамамландығы вахтда АБШ дөвләт катиби Ҹон Керри илә jахын олан исраилли үст сәвиjjәли бир сәлаһиjjәтли Нетанjаһунун Ирана һүҹум планыны Керриjә чатдырыб. Керри исә әмәлиjjат барәдә Обамаjа мәлумат вериб. АБШ президентинин исә Исраилин Ирана һүҹум едәҹәjи һалда дөjүш тәjjарәләринин вурулмасы барәдә тәлиматы вердиjи иддиа едилир. Нәтиҹәдә Нетанjаһунун Ирана һүҹум планындан имтина етдиjи билдирилир.
Диггәт: Хәбәрдән истифадә етдикдә мәнбәjә истинад лазымдыр