ИШИД-ин горхунҹ Түркиjә планы

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjәнин “Ватан” гәзетинин jазары Һүсеjн Јаjман ИШИД террор груплашмасынын Түркиjәjә һүҹум планы һазырладығыны jазыб.
Јазар террор груплашмасынын Суриjанын Кобани шәһәриндәки мәғлубиjjәтиндә әсас ҝүнаһкар олараг Түркиjәни ҝөрдүjүнү билдириб.

Јазар геjд едир ки, Кобанинин ИШИД-дән азад олунмасындан сонра jени бир стратежи тәнлик ортаjа чыхыб: “Суриjадакы вәтәндаш мүһарибәсиндә көврәк бир заман jашаныр. Һәр ан jени просесләр баш верә биләр. Јени стратежи тәнлиjин бир нечә истигамәти вар. Һәр шеjдән әввәл Түркиjәjә гаршы тәхрибатлара jол ача биләҹәк бүтүн еһтималлар мүзакирә олунмалдыр. Ҝөрүнән одур ки, Суриjадакы вәтәндаш мүһарибәси дәринләшәрәк давам едәҹәк”.
Јазар һесаб едир ки, Кобанидән чыхарылмасы ИШИД-дә руһ дүшкүнлүjүнә сәбәб олуб, күрдләрдә исә өзүнә инам jүксәлиб. О, күрд-әрәб әлагәләриндә jени бөһран тохумларынын атылдығыны дүшүнүр: “Суриjадакы дөjүшләрин ҝәләҹәjи бахымындан jени бир мәрһәләjә кечилиб. ПЈД (ПКК террор тәшкилатынын Суриjа голу – ред.) вә Азад Суриjа Ордусунун jахынлашмасы Суриjа лидери Бәшәр Әсәд вә ИШИД-ин ҝөзләнилән сонуну сүрәтләндирә биләр.
“Пешмәрҝә гүввәләринин ИШИД-ә гаршы дөjүшмәк үчүн Түркиjәдән кечмәси исә ИШИД-ин Түркиjәjә гаршы гәзәбини даһа да артырыб. Јерли мәнбәләр геjд едир ки, ИШИД-дә Кобани мәғлубиjjәтинин Түркиjә илә бағлы олдуғуну дүшүнәнләр кифаjәт гәдәрдир. Бу бахымдан ИШИД Түркиjәjә ҝөзләнилмәjән, jа да ҝөзләнилән һүҹумлар едә биләр. Түркиjә-Суриjа сәрһәдинин узунлуғу 900 километр вә сәрһәдин һеч бир jериндә мәркәзи һөкумәтин гүввәләри jохдур. Түркиjә-Суриjа сәрһәдинә Азад Суриjа Ордусу, ИШИД вә ПЈД ҝүҹләри нәзарәт едир. Анкара фәрзиjjәләрә гулаг асмадан jени бир һәрәкәт планы һазырламалыдыр”, - “Ватан” нәшринин jазары билдириб.
Диггәт: Хәбәрдән истифадә етдикдә мәнбәjә истинад лазымдыр