Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ президенти Барак Обама Конгресин гәбул етдиjи Русиjаjа гаршы jени санксиjаларын гәбулуну нәзәрдә тутан гануну тәсдигләдиjини билдириб.
Ағ Евин мәлуматына әсасән, буна бахмаjараг, АБШ президентинин һәләлик Русиjаjа гаршы jени игтисади санксиjалар дәрһал тәтбиг етмәк ниjjәти jохдур.
АБШ администрасиjасынын нүмаjәндәләринин сөзләринә ҝөрә, Барак Обама Русиjаjа гаршы санксиjаларын тәтбиги мәсәләсиндә Авропа Иттифагы илә разылашдырылмыш аддымлар атмаға гәрар вериб.
Обаманын бәjанатында геjд олунуб ки, Вашингтон Русиjанын аддымларына вә Украjнадакы һадисәләрин инкишафына ҹаваб олараг тәтбиг едиләҹәк санксиjаларын корректлә олунмасында Авропадакы мүттәфиг вә тәрәфдашлары илә әмәкдашлығы бундан сонра да давам етдирәҹәк.
Геjд едәк ки, Барак Обаманын тәсдигләдиjи ганун президентин үзәринә Русиjанын мүдафиә сәнаjеси мүәссисәләринә гаршы мәһдудиjjәтләр тәтбиг етмәк өһдәлиjи гоjур. Ганун һәмчинин президентә санксиjалары арадан галдырмаг сәлаһиjjәти дә верир (әҝәр бу милли тәһлүкәсизлик марагларына зидд деjилсә).
“Русиjа лазыми аддымлары атаҹағы тәгдирдә биз Русиjаjа гаршы санксиjалары арадан галдырмаға һазырыг”, деjә АБШ президентинин бәjанатында вурғуланыб.
Диггәт: Хәбәрдән истифадә етдикдә мәнбәjә истинад лазымдыр
19 dekabr 2014 - 03:10
Xəbər kodu: 659252
Ағ Евин мәлуматына әсасән, буна бахмаjараг, АБШ президентинин һәләлик Русиjаjа гаршы jени игтисади санксиjалар дәрһал тәтбиг етмәк ниjjәти jохдур.
