Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ паjтахты Вашингтонда минләрлә инсан дүнән силаһлсыз гарадәрили вәтәндашларын полис тәрәфиндән өлдүрүлмәсинә етираз олараг jүрүш кечириб. Јүрүш иштиракчылары һүгуг-мүһафизә органларында ислаһатлар апарылмасына чағырыб.
Полис тәрәфиндән өлдүрүлмүш Маjкл Браун, Ерик Гарнер, Тамир Раjс вә Треjвон Мартинин аилә үзвләри вә гоһумлары “Һамы үчүн Әдаләт” шүары алтында кечирилән jүрүшдә иштирак едиб. Нүмаjишчиләр онларын ирги әдаләтсизлиjин гурбаны олдуғуну деjир.
АБШ Конгресинин бинасы jахынлығында кечирилән jүрүш Бирләшмиш Штатларын бир чох jерләриндә Фергусон Аксиjасы групу тәрәфиндән планлашдырылмыш тәдбирләрдән биридир.
Кечән аj ҝениш тәркибли мүнсифләр мәһкәмәсинин Муссири штатынын Фергусон шәһәриндә август аjында 18 jашлы Маjкл Брауну ҝүллә илә вуруб өлдүрмүш полис забитинә гаршы иттиһам ирәли сүрмәмәк һагда гәрар чыхармасындан сонра Бирләшмиш Штатларын мүхтәлиф jерләриндә етираз нүмаjишләри кечирилмишди.
Нүмаjишләр Нjу-Јорк шәһәр мүнсифләр мәһкәмәсинин иjул аjында Ерик Гарнери өлдүрмүш полис забитләринә гаршы иттиһам ирәли сүрүлмәмәси һагда гәрарындан сонра jенидән вүсәт алмышды
Паjтахт Вашингтонда кечирилән jүрүш вәтәндаш һүгуглары мүдафиәчиси Ел Шарптон тәрәфиндән тәшкил едилиб. –
Диггәт: Хәбәрдән истифадә етдикдә мәнбәjә истинад лазымдыр
14 dekabr 2014 - 03:07
Xəbər kodu: 658061
Полис тәрәфиндән өлдүрүлмүш Маjкл Браун, Ерик Гарнер, Тамир Раjс вә Треjвон Мартинин аилә үзвләри вә гоһумлары “Һамы үчүн Әдаләт” шүары алтында кечирилән jүрүшдә иштирак едиб. Нүмаjишчиләр онларын ирги әдаләтсизлиjин гурбаны олдуғуну деjир.
