Әһли Бејт (әлејһимус сәлам) -АБНА- Хәбәр Аҝентлији- Дырнаг јемәк вәрдиши даһа чох кимләрдә јараныр? Һансы сәвијјәдә дырнаг јемәк вәрдиши ҹидди бир психоложи проблемин ҝөстәриҹисидир? Бу вәрдишјалныз косметик бир проблем дејил, һәм дә психоложи позғунлуглара ишарә едән бир вәрдишдир. Бәс дырнаг јемәк вәрдиши неҹә јараныр?
Дырнаг јемәк вәрдиши (диҝәр адыјла оникофаҝија) дырнағы давамлы олараг ағыза апармагдан башлајан вә ганадыб формасыны позаҹаг гәдәр дырнағы јемәкдир. Орта сәвијјәдә олан дырнаг јемәк давранышы дырнаг гајчысындан истифадә етмәк лазым олмајаҹаг шәкилдә, дишләри илә дырнагларыны сабит бир гысалыгда тута билмәк кими тәјин олуна биләр.
Дырнаг јемәк вәрдиши гәрибә бир давраныш кими изаһ олуна биләр. Үмумијјәтлә, бу вәрдиш ушаглыг, ја да јеткинлик дөврүндән башлајыр. Дырнаг јемәк вәрдиши тез-тез һисс едилән нараһатлыгла баш едә билмәмәк нәтиҹәсиндә ортаја чыхыр. Әлавә олараг, шәхсин сосиал әлагәләрдә јашадығы чәтинликләр буна сәбәб ола биләр. Апарылан арашдырмалар нәтиҹәсиндә дырнаг јемәјин стресс, ја да һәјәҹан јарадан һалларла үзләшән, бунларын өһдәсиндән ҝәлмәјә чәтинлик чәкән шәхсләрдә ортаја чыхдығы ашкарланыб. Ејни заманда, чәтинлик чәкәнләрдә дә дырнаг јемәк вәрдиши инкишаф едә биләр.
Дырнаг јемәк вәрдишинин мәнфи физики нәтиҹәләри илә јанашы, сосиал нәтиҹәләри дә вардыр. Бу давраныш инсанларда икраһ һисси јарадыр. Буна ҝөрә дә дырнаг јејән шәхс сосиал һәјатында инсанлардан тәҹрид олунмаға вә ја лаға мәруз гала биләр. Бу амилин өзү дә дырнаг јемәк вәрдишини артыран стрессә јол ача биләр.
Дырнаг јемәк вәрдиши психоложи мәншәлидир вә мүтләг психолога мүраҹиәт етмәк лазымдыр. Психотерапевтбу проблеми һәлл едәҹәк. Анҹаг вәзијјәт даһа да ҹидди оларса, психиатрла мәсләһәтләшмәклә дәрманларла мүалиҹә тәтбиг олуна биләр.
Диггәт: Хәбәрдән истифадә етдикдә мәнбәјә истинад лазымдыр
