Кремл Обаманын ҹавабыны верди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
АБШ президенти Барак Обаманын беjнәлхалг тәһлүкәләрдән данышаркән Ебола вирусу илә jанашы Русиjанын адыны да чәкмәсинә Москвадан ҹаваб верилиб.
Русиjа Дөвләт Думасынын беjнәлхалг мәсәләләр үзрә комитәнун рәһбәри Алексеj Пушков Обаманын бу фикирләри фонунда Русиjа вә АБШ арасында мүнасибәтләрин jенидән нормаллашмасынын геjри-мүмкүн олдуғуну билдириб.
"Обама вәзиjjәти кәскинләшмәjә доғру апарыр. О, Австралиjадакы саммитдә Ебола вирусу илә Русиjаны мүгаjисә етди. Онун үчүн ИШИД артыг даһа кичик тәһлүкәдир. Белә һүҹумлар “соjуг мүһарибә” дөврүндә белә едилмирди”, - деjә А.Пушков геjд едиб.
Геjд едәк ки, АБШ президенти Австралиjанын Брисбен шәһәриндә кечирилән “Бөjүк иjирмилиjин” саммитиндә Русиjанын Украjнадакы һәрәкәтләрин сүлһ үчүн тәһлүкә олдуғуну билдириб. “Биз Ебола вирусуна вә Русиjанын Украjнаjа тәҹавүзүнә гаршы мүбаризәдә дүнjа ҹәмиjjәтинин сәjләринә башчылыг едирик. Бунлар дүнjадакы сүлһә тәһлүкә төрәдир. Биз буну Малаjзиjанын “Боеинҝ-777” тәjjарәсинин мәһв едилмәси кими дәһшәтли һадисәдә дә ҝөрдүк”, - деjә Обама вурғулаjыб. Хатырладаг ки, АБШ президенти БМТ Баш Ассамблеjасынын сентjабр аjында кечирилән сессиjасы заманы етдиjи чыхышында Русиjанын адыны террорчуларла jанашы чәкиб. Дүнjанын үч тәһлүкәсиндән данышан АБШ президенти бунлары Ебола вирусу, Русиjанын тәҹавүзү вә ИШИД террор груплашмасы шәклиндә сыралаjыб.
Диггәт: Хәбәрдән истифадә етдикдә мәнбәjә истинад лазымдыр