Әһли Бејт (әлејһимус сәлам) -АБНА- Хәбәр Аҝентлији- Һәр ким бу 5 ајәни һәр ҝүн 11 дәфә охујарса, һәр бир һаҹәти асан олар вә тезликлә өз мурадына чатар.
1. Ајәтүл-күрсү.
2. “Али-Имран” сурәсинин 2-ҹи ајәси. “اللّهُ لا إِلَهَ إِلاَّ هُوَ الْحَیُّ الْقَیُّومُ
3. “Ниса” сурәсинин 87-ҹи ајәси. اللّهُ لا إِلَهَ إِلاَّ هُوَ لَیَجْمَعَنَّكُمْ إِلَى یَوْمِ الْقِیَامَةِ لاَ رَیْبَ فِیهِ وَ مَنْ أَصْدَقُ مِنَ اللّهِ حَدِیثًا
4. “Таһа” сурәсинин 8-ҹи ајәси. اللَّهُ لَا إِلَهَ إِلَّا هُوَ لَهُ الْأَسْمَاء الْحُسْنَى
5. “Тәғабун” сурәсинин 13-ҹи ајәси. اللَّهُ لَا إِلَهَ إِلَّا هُوَ وَ عَلَى اللَّهِ فَلْیَتَوَكَّلِ الْمُوْمِنُونَ
Һәзрәт Пејғәмбәр (с) бујурур: “Елә бир ев јохдур ки, “Ајәтүл-күрсү” ајәси орада охунсун, мәҝәр о һалда ки, шејтанлар 30 ҝүн һәмин еви тәрк едәрләр вә ора сеһр вә сеһрбаз ҝәлмәз”.
Имам Әли (ә) бујурур: “Пејғәмбәрдән (с) ештмишәм ки, бујуруб: “Һәр ким һәр ваҹиб намаздан сонра “Ајәтүл-күрсү”нү охујарса, ону беһиштә дахил олмагдан сахламаз. Һәр ким ону јатағына ҝедән заман гираәт едәрсә, Аллаһ она аман верәр вә һәмчинин гоншусуна, гоншусунун гоншусуна вә әтрафында олан евләрә”.
Имам Әлинин (ә) сәһабәләри ән фәзиләтли ајә һаггында сөһбәт едирдиләр вә Имам (ә) онлара бујурду: “Сиз “Ајәтүл-күрсү” һаггында нә дејирсиниз? Пејғәмбәр (с) мәнә бујурмушду: “Еј Әли! Бәшәрин сејјиди инсандыр вә әрәбин сејјиди Муһәммәдир (с) ки, бурада фәхр олунмалы бир шеј јохдур. Сөзләрин сејјиди Гурандыр вә Гуранын сејјиди “Бәгәрә”дир, “Бәгәрә”нин сејјиди “Ајәтүл-күрсү”дүр””.
Абдуллаһ ибни Уфә нәгл едир: “Ҝеҹә јухуда ҝөрдүм ки, Гијамәт олмушдур вә мәни ҝәтирдиләр, һесабымы асан алдылар. Мәни беһиштә апардылар вә мәнә чохлу сарајлар ҝөстәрдиләр. Мәнә дедиләр: “Бу сарајларын гапыларыны сај”. Мән дә сајдым вә 50 гапысы вар иди. Сонра дедиләр: “Евләрини сај”. Ҝөрдүм ки, 175 ев вардыр. Мәнә дедиләр ки, бу евләр сәниндир. О гәдәр севиндим ки, јухудан ајылдым вә Аллаһа шүкүр етдим. Сәһәр олан кими Ибни Сиринин јанына ҝетдим вә јухуму она данышдым. О, деди: “Мәлумдур ки, сән Ајәтүл-күрсүнү чох охујурсан”. Дедим: “Бәли”. “Бәс сән һарадан баша дүшдүн? Чүнки бу ајәнин 50 сөзү вә 175 һәрфи вардыр”. Мән онун һафизәсинин зирәклијиндән тәәҹҹүб етдим. О, мәнә деди: “Һәр ким “Ајәтүл-күрүсү”нү чох охујар, өлүмүн чәтинликләри она асан олар””.
“Ајәтүл-күрсү”нү шәфа нијјәтилә охумаг: “Һәр ваҹиб намаздан сонра әлләринизи ҝөзүнүзә гојун вә “Ајәтүл-күрсү”нү охујун вә сонра бу дуаны един:
“"اللهم احفظ حدقتی بحق حدقتی علی بن ابیطالب(علیه السلام)".
Һәзрәт Пејғәмбәр (с) бујурур: “Һәр ким “Ајәтүл-күрсү”нү һәр намаздан сонра охујарса, сәма јарылар вә бирләшмәз о замана гәдәр ки, Аллаһ Тәала ону охујана тәрәф рәһмәт нәзәри салар. Мәләји һаким едәр ки, һәмин замандан сабаһа гәдәр (јахшы) ишләрини јазсын вә пис ишләрини мәһв етсин”.
Һәзрәт Пејғәмбәр (с) бујурур: “Еј Әли! Һәр бир ваҹиб намаздан сонра “Ајәтүл-күрсү” оху. Чүнки пејғәмбәрдән, сиддиг вә шәһиддән башга һеч кәс ону һәр намаздан сонра охумағы горумур. Һәр ким һәр намаздан сонра “Ајәтүл-күрсү”нү охујарса, Аллаһ Тәаладан башга һеч кәс онун руһуну гәбз етмәз. О кәс кими олар ки, Илаһи пејғәмбәрләрлә шәһид олана гәдәр ҹиһад етмишдир. Өләндән сонра фасиләсиз беһиштә дахил олар. Сиддиг вә абид инсандан башгасы “Ајәтүл-күрсү”нү охумағы горумаз”.
Имам Багир (ә) бујурур: “Һәр ким һәр намаздан сонра “Ајәтүл-күрсү”нү охујарса, јохсуллуг вә чарәсизликдән аманда олар. Рузиси артар, Аллаһ өз фәзлиндән она чохлу мал бәхш едәр”.
Һәзрәт Пејғәмбәр (с) бујурур: “Һәр ким “Ајәтүл-күрсү”нү һәр ваҹиб намаздан сонра охујарса, намазы Аллаһ Тәала тәрәфиндән гәбул олар, Аллаһ аманында олар, Аллаһ ону ҝүнаһдан вә бәлалардан сахлајар”.
Һәзрәт Пејғәмбәр (с) бујурур: “5 шеј һафизәни ҝүҹләндирәр: ширнијјат јемәк, (һејванын) бојуна јахын һиссә(син)дән әти јемәк, мәрҹи јемәк, чөрәји сојуг јемәк, “Ајәтүл-күрсү”нү охумаг”.
Һәр ким елм истәјир, ҝәрәк бу 5 шејә риајәт етсин: 1. Ашкар вә ҝизлиндә тәвгаја риајәт етмәк. 2. “Ајәтүл-күрсү”нү охумаг. 3. Һәмишә дәстәмазлы олмаг. 4. Ҝеҹә намазы гылмаг, һәтта әҝәр ики рүкәтли олса белә. 5. Јемәји ҝүҹ топламаг үчүн јемәк, мәдәни долдурмаг үчүн дејил.
Һәр ким “Ајәтүл-күрсү”нү ҝүн батан заман охујарса, һаҹәти јеринә јетәр.
Диггәт: Хәбәрдән истифадә етдикдә мәнбәјә истинад лазымдыр
