Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һәмсәдрләр Азәрбаjҹан вә Ермәнистанын ХИН рәһбәрләри илә президентләрин Парисдә кечириләҹәк ҝөрүшүнә һазырлыг мәсәләләрини мүзакирә едибләр
Ҝөрүшдә Азәрбаjҹан вә Ермәнистан президентләри Дағлыг Гарабағ мүнагишәсинин низамланмасынын әсас елементләри үзрә диалогу давам етдирмәjи планлашдырырлар
АТӘТ-ин Минск Групунун һәмсәдрләри Ҹеjмс Уорлик (АБШ), Игор Попов (Русиjа), Пjер Андрие (Франса) Нjу-Јоркда Азәрбаjҹан вә Ермәнистанын ХИН рәһбәрләри Елмар Мәммәдjаров вә Едвард Налбандjан илә ҝөрүшәрәк президентләрин Парисдә октjабрын сонуна планлашдырылан ҝөрүшүнә һазырлыг мәсәләләрини мүзакирә едибләр.
ҝөрүшдә АТӘТ-ин фәалиjjәтдә олан сәдринин шәхси нүмаjәндәси Анжеj Каспршик иштирак едиб.
Бирҝә ҝөрүш заманы һәмсәдрләр вә ХИН рәһбәрләри Азәрбаjҹан вә Ермәнистан президентләринин октjабрын сонуна Парисдә планлашдырылмыш ҝөрүшүнә һазырлыг мәсәләләрини мүзакирә едибләр. Ҝөрүшдә Азәрбаjҹан вә Ермәнистан президентләри Дағлыг Гарабағ мүнагишәсинин низамланмасынын әсас елементләри үзрә диалогу давам етдирмәjи планлашдырырлар. Һәмсәдрләр мүнагишәнин низамланмасы jолунда ирәлиләjишә наил олмаг үчүн дөвләт башчыларынын мәһсулдар дискуссиjа апараҹагларына үмидвар олдугларыны ифадә едибләр. Пjер Андрие кечириләҹәк ҝөрүшдә ҝүндәлиjә салынаҹаг мәсәләләр барәдә иштиракчылары гысаҹа мәлуматландырыб. Һәмсәдрләр jахын заманда бөлҝәjә сәфәр етмәк ниjjәтиндә олдугларыны билдирибләр.
Һәмсәдрләр һәмчинин АТӘТ сәдри Дидjе Буркһалтер илә ҝөрүшәрәк Дағлыг Гарабағ мүнагишәсинин сүлһ jолу илә низамланма просесинин инкишафыны мүзакирә едибләр.
Онлар АТӘТ сәдринә президентләрин Сочи вә Уелсдә кечирилмиш сон ҝөрүшләринә даир һесабат тәгдим едәрәк она Парисдә планлашдырылан ҝөрүш барәдә мәлумат верибләр.
Диггәт: Хәбәрдән истифадә етдикдә мәнбәjә истинад лазымдыр
