Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн, Ијунун 4-дү, 2014 тарихдә Јереванда сәфәрдә олан Исвечрә президенти, АТӘТ-ин сәдри Дидје Буркһалтер Ермәнистан ишғалчы режиминин президенти Серж Сәркисјанла бирликдә брифинг кечириб.
Мәлумата ҝөрә, Ермәнистан ишғалчы режиминин президенти Исвечрә дөвләтинә “ермәни сојгырымы”ны таныдығы үчүн тәшәккүр едиб.
Дидје Буркһалтер дејиб ки, Исвечрә АТӘТ-ә сәдрлик етдији дөврдә Азәрбајҹанла Ермәнистан арасында атәшкәс режиминин мөһкәмләнмәсинә вә инсидентләрин арашдырылмасы механизминин гурулмасына чалышаҹаг.
Сәркисјан исә дејиб ки, мүнагишәнин һәлли үчүн “Дағлыг Гарабағ халгы”на јетәринҹә һөрмәт олунмалыдыр вә онун өз мүгәддәратыны тәјин етмәк һүгугу нәзәрә алынмалыдыр: “Бунсуз һеч бир нәтиҹә әлдә етмәк мүмкүн дејил”.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
