АШПА Азәрбаjҹаны ҹәзаландырыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,АШПА Азәрбаjҹаны ҹәзаландырыр Әҝәр Азәрбаjҹан АШПА үзвләринин ассамблеjанын ишләри илә бағлы сәрбәст һәрәкәтинә тәминат версә, гадаға ләғв едилә биләр

Авропа Шурасынын Парламент Ассамблеjасынын комитә иҹласларынын jахын 2 илдә Азәрбаjҹанда кечирилмәсинә гадаға гоjулду.
АШПА-дан билдирибләр ки, буна сәбәб Азәрбаjҹанын ассамблеjанын үзвү олан Ренé Роугует-ә верилмиш визаны сон анда ләғв етмәсидир.
Бу да онун АШПА-нын маjын 22-23-дә Бакыда кечирилән Бүро иҹласына гатылмасыны әнҝәлләjиб.
АШПА-нын Бүросу гәрара алыб ки, иjунун 1-дән етибарән ассамблеjанын комитә иҹласлары 2 иллиjинә Азәрбаjҹанда кечирилмәсин.
Јалныз сечкиләрин изләнмәси үзрә миссиjалар үчүн истисна олаҹаг.
Бүро билдирир ки, Азәрбаjҹанын һәрәкәти Авропа Шурасы гаршысында өһдәликләрин вә АШПА-нын Парис протоколунун позулмасыдыр.
Үзв өлкәләр АШПА үзвләринин Ассамблеjанын иши илә бағлы һәрәкәт азадлығына шәраит jаратмалыдырлар.
Бу шәрти позанларын 2 ил мүддәтинә комитә иҹласларына ев саһиблиjи етмәкдән мәһрум едилмәси гаjдасы 2011-ҹи илдә гәбул едилиб вә өз өһдәликләринә һөрмәт етмәjән дөвләтләрә тәтбиг олунур.
2013-ҹү илин ноjабрында һәмин ҹәза Ҝүрҹүстана да верилиб.
Амма Бүро ону да билдирир ки, әҝәр Азәрбаjҹан АШПА үзвләринин ассамблеjанын ишләри илә бағлы сәрбәст һәрәкәтинә тәминат версә, гадаға ләғв едилә биләр.
Бүро һәм дә АШПА-нын Проседур гаjдалары, тохунулмазлыг вә институсионал ишләр кимитәсинә мүраҹиәт едәҹәк ки, Парис протоколунун бу контекстдә неҹә һәjата кечирилдиjини арашдырсын.
Ҹәнаб Роугует Ассамблеjдакы Франса нүмаjәндә һеjәтинин сәдри вә Ассамблеjанын витсе-президентидир
Cenubnews.com
Диггәт: Хәбәрдән истифадә етдикдә мәнбәjә истинад лазымдыр