Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән һәфтә Ираг халгы өлкәнин АБШ тәрәфиндән ишғал олундуғу ҝүндән бу тәрәфә илк дәфә олараг, Ираг Милли Мәҹлисинә нүмајәндә сечмәк үчүн сәлаһијјәтли шәхсләрә сәс вермәк мәгсәдилә һаммы бир нәфәр кими сечкиләрдә иштирак едиб.
Бу арада Ираг Полис әмәкдашларындан намәлум бир нәфәри сечкиләрдә иштирак етмәк мәгсәди илә сәсвермә мәнтәгәсинә јолланан јашлы гары гаршысында ҝөзәл вә тәгдирәлајиг бир аддым атыб.
Белә ки, Ираг Полис машыны дајанараг јашлы гадыны машына миндирәрәк сәсвермә мәнтәгәсинә апармаг истәјиб. Лакин полис забити билдикдә ки, јашлы гадын, машынын һүндүр олдуғу ҹәһәтиндән машына минмәкдән аҹиздир вә әзијјәт чәкир ашағы дүшәрәк јашлы гадын гаршысында јерә узаныр вә јашлы гадын да полис забитинин белинә ајаг гојараг машына миниб.
Ады вә кимлији дәгиг мәлум олмајан бу полис забитинин ҝөрдүјү иш, мүхтәлиф сосиал шәбәкәләрдә, о ҹүмләдән Ираг медијасында бөјүк әкссәда јарадыб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
