Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjә илә Исраил арасында jашанан "Мави Мәрмәрә" олаjлары илә бағлы разылашманын ики һәфтә әрзиндә ачыгланаҹағы ҝөзләнилир. Бу барәдә исраилли нүмаjәндәләрдән бири "Једиотһ" гәзетинә ачыгламасында деjиб.
Мәлуматы верән гаjнаг билдирир ки, Баш назир Әрдоған бир нечә ҝүн өнҹә мүсаһибәси заманы мүгавиләнин имзаланмасына jахын олдуғуну деjиб. Еjни заманда да Исраил Баш назири Бинjамин Нетанjаһу мүгавиләни тәсдиги үчүн Назирләр Кабинетинә тәгдим едиб. Әлдә олунан мәлуматда геjд едилир ки, Әрдоған Исраил илә барышмаг вә мүнасибәтләри нормаллашдырмаг үчүн доғру заманын олдуғуну һисс етдиjини, Исраил илә әлагәләрин jенидән jарадылмасынын әһәмиjjәтли олдуғуну билдириб. Разылашмаjа ҝөрә, Исраил "Мави Мармара" олаjлары заманы өлдүрүлән вә jараланан әсҝәрләрин аиләләринә 21 милjон доллар тәзминат өдәjәҹәк. Исраилли командирләр барәдә исә һүгуги тәдбирләр ҝөрүлмәjәҹәк. Һәмчинин вурғуланыр ки, мүгавиләдә Гәззанын мүһасирәси мүзакирә мөвсузу деjил, анҹаг Түркиjәjә Гәззада хәстәханалар инша етмәjә имканлар jарадылаҹаг
Диггәт: Хәбәрдән истифадә етдикдә мәнбәjә истинад лазымдыр
İslaminsesi.az
