Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Нөврәстә Ибраһимова: “Бу ҝүн ҹәмиjjәтдә бир чох ханымлар Фатимеjи-Зәһрадан деjил, башгаларындан нүмунә ҝөтүрүрләр”
Бу ҝүн Әсҝәр Аналарына Дәстәк Иҹтимаи Бирлиjи Беjнәлхалг Мәтбуат Мәркәзиндән Фатимеjи Зәһранын мөвлуду мүнасибәтилә тәдбир кечириб. Тәдбири бирлиjин сәдри Нөврәстә Ибраһимова апарыб.
Н.Ибраһомова Јараданын Гурани-Кәрими инсанлары зүлмәтдән нура чыхармасы үчүн назил едилдиjини билдирәрәк, кафирләрин дүнjаjа чатмаг үчүн ҝөстәрдиjи әзми мөминләрин Аллаһа чатмаг үчүн ҝөстәрмәдиjини деди. Даһа сонра Һәзрәт Фатимеjи-Зәһранын әзәмәтиндән, онун Аллаһын jанындакы мәгамындан данышды. О, ханымлары Һәзрәт Фатимәдән нүмунә ҝөтүрмәjә, она лаjиг олмаға дәвәт еләди. Нөврәстә ханым бу ҝүн ҹәмиjjәтимиздә jашанан проблемләрдән сөз ачды: «Аллаһ-Тәаланын хатиринә аләмләри jаратдығы Ханымын тәдбирләринин кечирилмәсинә бәзи манеәләр jарадылыр. Буна ҝөрә, бизләр, мөмин гардаш вә баҹылар бирләшәрәк бу әзиjjәтләрә синә ҝәрмәлиjик.”
Нөврәстә ханым даһа сонра билдирди ки, сосиолоҝиjада гадын 4 образда - өвлад, баҹы, һәjат jолдашы вә ана кими тәсвир едилир: “Јер үзүндә Һәзрәт Фатимә кими атасына гаjғы ҝөстәрән, һәjат jолдашына ханымлыг едән, өвладына jүксәк әхлаглы тәрбиjә едән бир гадын олмаjыб. Бу сосиоложи фигурларын һамысынын гадын симасында бирләшмәсинин jеҝанә нүмунәси Һәзрәт Фатимеjи-Зәһрадыр.
Азәрбаjҹанын һәм бизим Вәтәнимиз, һәм дә мүгәддәс бир jердир. Вәтәнимизин инсанлары Әһли-Беjтә о гәдәр бағлы олуб ки, Аллаһ-Тәала бу торпагда Пеjғәмбәр балаларына сығынаҹаг вериб. Һеч тәсадүфи деjил ки, Әһли-Беjт нүмаjәндәләриндән бири Нардаран кәндиндә, диҝәри Биби-Һеjбәтдә дәфн едилиб. Амма тәәссүфләр ки, бу ҝүн ҹәмиjjәтдә бир чох ханымлар Фатимеjи-Зәһрадан деjил, башгаларындан нүмунә ҝөтүрүрләр. Анҹаг бу милләтин ганында вар ки, инсанлары нә гәдәр пис jола дөндәрсәләр дә , Фатимеjи-Зәһра биринҹи нүмунә мәктәби олаҹаг.”
Тәдбир диҝәр иштиракчыларын чыхышы илә давам едиб.
Диггәт: Хәбәрдән истифадә етдикдә мәнбәjә истинад лазымдыр
Faktxeber.com
