Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Өтән ҝеҹә "нурчу"лара гаршы Бакынын Јасамал раjонунда әмәлиjjат кечирилиб
Дүнән 22.00 радәләриндә Бакынын Јасамал раjонунда "Иншаатчылар" метросу олан әразидә, Шәрифзадә-Талыблы, Хыдыр Мустафаjев күчәләринин кәсишмәсиндә, Ҹапселла мағазасынын jахынлығында 2 мәртәбәли jашаjыш евиндә Јасамал раjон полис әмәкдашларынын апардығы әмәлиjjат нәтиҹәсиндә 30 нәфәрдән чох инсан тутулараг полис машынлары илә апарылыб. Онларын jашадыглары мәнзилләрдән хеjли саjда дини китаблар да мүсадирә едилиб.Бундан сонра "нурчу"лар ачыглама jаjыблар.Өтән ҝүн ҝеҹә саатларында Бакынын Јасамал раjонунда полис әмәкдашларынын апардығы әмәлиjjат нәтиҹәсиндә сахланылан 30-дан чох инсанын вәкили Јасамал Раjон Полис Шөбәсинә мүраҹиәт едәҹәк.
“Нур тәригәтинә” мәхсус олдуғуну деjән шәхсләрдән бири АНС ПРЕСС-ә ачыгламасында сахланылан шәхсләрин нурчу олдуғуну олдуғуну сөjләjиб. Онун сөзләринә ҝөрә, апарылан шәхсләр барәсиндә онлара һеч бир мәлумат верилмир:
“Онлары бөлмәjә апарыблар. Ордан исә һара апардыглары барәсиндә бизим мәлуматымыз jохдур. Онларын сахланмасы илә бағлы ҝүнортадан сонра вәкил полис идарәсинә ҝедәҹәк. Вәкил орденлә ҝедәҹәк вә нә үчүн онларын сахландығыны өjрәнәҹәк. Сахланыланлардан һеч бири бурахылмаjыб. Онлар Нур ҹаматыдырлар, Ҝүлән ҹамааты деjилләр. Ора онларын өз евләридир. Орада намаз гылырлар, китаб охуjурлар. Ора бир кишинин евидир, мүлкүдүр. О евин саһиби Һаҹыдыр. Ганунсуз шәкилдә ҝәлиб евә ҝирибләр, санки орада террорчулар jашаjыр”.
Мәсәлә илә әлагәдар олараг Дахили Ишләр Назирлиjи илә әлагә сахламаға чалышсаг да, ҹәһдләримиз иш ҝүнү олмадығы үчүн бир нәтиҹә вермәди.
Геjд едәк ки, Бакынын Јасамал раjонунда "Иншаатчылар" метросу әразисиндә, Шәрифзадә-Талыблы, Хыдыр Мустафаjев күчәләринин кәсишмәсиндә 2 мәртәбәли jашаjыш евиндә Јасамал раjон полис әмәкдашларынын апардығы әмәлиjjат нәтиҹәсиндә сахланылан 30-дан чох шәхс сахланылыб. Онларын jашадыглары мәнзилләрдән хеjли саjда дини китаблар да мүсадирә едилиб.
Диггәт: Хәбәрдән истифадә етдикдә мәнбәjә истинад лазымдыр
