Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Үмүмдүнjа Мүсәлманларынын Али Дини Лидери Аjәтуллаһ Сеjид Әли Хаменеи “Новруз” баjрамы мүнасибәтилә чыхыш едиб.
Чыхышы там олараг сизә чатдырырыг:
“Бағышлаjан вә меһрибан Аллаһән ады илә. Еj гәлбләри вә ҝөзләри дәjишән, еj ҝеҹә вә ҝүндүзү рам едән, еj һаллары чевирән, бизим әһвалымызы ән ҝөзәл һала чевир!
Аллаһуммә кун ли вәлиjjикәл-Һуҹҹәт ибнил-Һәсән. Сәләватукә әлеjһи вә әла абаиһи фи һазиһис-саәти вә фи кулли саәһ. Вәлиjjән вә һафизән вә гаидән вә насирән вә дәлилән вә еjна. Һәтта тускинәһу әрзәкә тәв’ән вә тумәттиәһу фиһа тәвила (Ылаһи, өз достун Һүҹҹәт ибн әл-Һәсән (jәни Имам Заман, Сәнин салаватын Она вә әҹдадына олсун) үчүн инди вә бундан сонра да һәмишә дост, горуjуҹу, рәһбәр, көмәкчи, бәләдчи вә ҝөрән ҝөз кими ол. Та ки, Ону мөминләрин разылығы илә Сәнә мәхсус олан Јер үзүндә сакин (һаким) ет вә Она узун өмүр вер.
Илаһи ону фәрәҹини тезләшдир вә бизи онун дост, көмәкчи вә шиәләриндән гәрар вер).
Јени ил мүнасибәтилә һәр бир һәмвәтәними, өлкә дахили вә хариҹиндә jашаjан Иран халгыны тәбрик едирәм! Хүсусән мөһтәрәм шәһид вә газиләримизин аиләләри, һәмчинин Ислам вә Иран үчүн зәһмәт чәкиб чалышанлары тәбрик едирәм!
Бу илки “Новруз” баjрамы ики аләмин ханымы ханым Зәһранын (ә.с) рәваjәт олунан ики шәһадәтинә тәсадүф едир. Бу халгымызын о ханымын бәрәкәт вә һидаjәт нурундан истифадә етмәjинә сәбәб олаҹагдыр.
Илләрин өтмәси бизим үчүн бәсирәт вә тәҹрүбәjә сәбәб олмалыдыр. Кечмишдән дәрс алыб, ҝәләҹәjә ачыг гәлб вә ҝөзлә бахыб, гәрарлар гәбул едәк. Мән jени илдә Аллаһдан һәр бир иранлыjа сағлам бәдән, тәравәтли руһ, психоложи раһатлыг, инкишаф вә сәадәт диләjирәм. Үмүд едирәм мүтәал Аллаһ ҹаванларымыза севинҹ вә динамика, кишиләримизә һиммәт, ирадә, ифтихар долу jоллары гәт етмәк үчүн мөһкәм вә дүзҝүн әзм, көрпәләримизә хошбәхтлик вә рифаһ, аиләләримизә мәһәббәт вә тәһлүкәсизлик мәрһәмәт етсин. Бизә дүшән кечмишдән ибрәт алыб, ҝәләҹәк үчүн дүзҝүн гәрарлар гәбул етмәкдир.
Кечән ил “сиjаси вә игтисасди гәһрәманлыг” адландырылды. Аллаһа һәмд олсун ки, сиjаси гәһрәманлыға да мүхтәлиф jөнләрдә наил олдуг. Һәм сечкиләрдә, һәм күтләви аксиjаларда, һәм дә халгын мүхтәлиф мөвгеләрдә jүксәк фәалиjjәти ҝөз өнүндәдир.
Игтисади гәһрәманлыг jөнүндә олмасы ваҹиб олан ишләр ҝөрүлмәди. Дүздүр, бу барәдә мүхтәлиф тәгдирә лаjиг ишләр ҝөрүлдү, лакин игтисади гәһрәманлыг үчүн лазым олан ишләр бизим өнүмүздәдир вә биз бу ишләри ҝөрмәлиjик. Бу мәсәлә дөвләт вә милләтимиз үчүн олдугҹа мүһүм мәсәләдир. Өтән илин сон ҝүнләриндә бу барәдә идеоложи гәрарлар алынды. “Игтисади мүгавимәт” адландырылан бу аддым jени вә уғурлу ишләр ҝөрмәк үчүн мүгәддимә олду.
Јени илә нәзәр етдиjим заман мәним фикримҹә 2 мүһүм мәсәлә мөвҹуддур: Биринҹи мәсәлә игтисадиjjат, диҝәр мәсәлә исә мәдәниjjәт мәсәләсидир. Һәр ики мәсәлә дөвләт ишчиләринин вә халгын мүштәрәк фәалиjjәтинә еһтиjаҹ дуjур. Интизар олунан уғурлу ҝәләҹәк халгын иштиракы олмадан мүмкүн деjил. Беләликлә, мәсул шәхсләрин дүзҝүн идарә етмәjиндән әлавә, халгын да һәр ики мәсәләдә дәстәjи зәруридир. Һәм игтисади һәм дә мәдәни мәсәләләрдә дәстәк лазымдыр. Халгымыз груплар шәкилиндә ҝүҹлү ирадә вә әзм илә тәсирли ола биләрләр. Мәсул шәхсләрин дә ишләри дүзҝүн идарә етмәси үчүн халгын дәстәjинә ҝүвәнмәләри ваҹибдир. Онлар Аллаһа тәвәккүл едиб, ишләриндә мүвәффәгиjjәт диләмәк вә халгын дәстәjини газанмагла ишләрә атылмалыдырлар. Мән Аллаһын изнилә бүтүн бу сөзләримин инҹәликләрини сабаһ едәҹәjим ҹүмә чыхышында билдирәҹәм. Елә бу сәбәбдән мәним фикримҹә үзүмүзә ҝәлән бу илдә әсас вәзифәмиз дөвләт ишчиләри вә халгын бирҝә зәһмәтилә игтисади инкишафа наил олмаг, jенә халгымызын вә мәсул шәхсләрин jүксәк һиммәти саjәсиндә хәттимизи мүәjjән едәҹәк мәдәниjjәтимизин олмасына наил олмагдыр. Беләликлә мән бу или “милли әзм вә ҹиһади идарәчиликлә игтисадиjjат вә мәдәниjjәт” адландырырам.
Үмүдварам Мүтәал Аллаһ бизим һәр биримизә бу барәдә вәзифәмизә әмәл едәҹәjимизә көмәк едәҹәк, Имам Заманын (ә.ф) гәлбини биз тәрәфдән шад едәҹәкдир. Һәмчинин Аллаһ рәһмәтлик имам Хомеjнинин (р) вә шәһидләрин руһуну биздән разы едәҹәкдир.
Аллаһын рәһмәт, бәрәкәт вә саламы сизләрә олсун!”
Диггәт: Хәбәрдән истифадә етдикдә мәнбәjә истинад лазымдыр
